Enable Javscript for better performance
சுவாமி விவேகானந்தரின் சிகாகோ சொற்பொழிவு 125 ஆம் ஆண்டு கொண்டாட்டம் நிறைவு- Dinamani

சுடச்சுட

    

    சுவாமி விவேகானந்தரின் சிகாகோ சொற்பொழிவு 125 ஆம் ஆண்டு கொண்டாட்டம் நிறைவு

    By DIN  |   Published on : 14th September 2019 06:55 AM  |   அ+அ அ-   |    |  

    பெரியநாயக்கன்பாளையத்தில் உள்ள ராமகிருஷ்ண மிஷன் வித்யாலயத்தில் சுவாமி விவேகானந்தரின் சிகாகோ சொற்பொழிவு 125 ஆம் ஆண்டு கொண்டாட்டங்களின்  நிறைவு விழா வியாழக்கிழமை நடைபெற்றது.
    வித்யாலயத்தின் சார்பில் 2018-2019 கல்வி ஆண்டு முழுவதும் கோவை மாவட்டத்தில் உள்ள 125 பள்ளி மற்றும் கல்லூரிகளில் சுவாமி விவேகானந்தரின் சிகாகோ சொற்பொழிவின் 125 ஆம் ஆண்டு கொண்டாட்டங்கள் நடைபெற்றன.
    இதையொட்டி, மாணவர்களுக்கு பேச்சுப் போட்டி, கட்டுரைப் போட்டி, ஓவியம், விநாடி வினா போன்ற போட்டிகள் நடத்தப்பட்டு வெற்றி பெற்றவர்களுக்குப் பரிசுகள் வழங்கப்பட்டன. இந்நிலையில், இந்தக் கொண்டாட்டத்தின் நிறைவு விழா ராமகிருஷ்ண மிஷன் வித்யாலய உள் விளையாட்டு அரங்கில் நடைபெற்றது.
    வித்யாலய கலை, அறிவியல் கல்லூரி முதல்வர் தங்கவேலு வரவேற்றார். கல்வி நிறுவனங்களின் செயலர் சுவாமி கரிஷ்டானந்தர் தலைமை வகித்தார். சிறப்பு விருந்தினராக கவுண்டம்பாளையம் ராமகிருஷ்ணா மடத்தின் தலைவர் சுவாமி பக்திகாமானந்தர் கலந்து கொண்டு சிறப்புரையாற்றினார்.
    போட்டிகளில் வெற்றி பெற்ற மாணவர்களுக்கு சுவாமி பக்திகாமானந்தர் பரிசுகளை வழங்கிப் பாராட்டினார்.  வித்யாலய கல்வியியல் கல்லூரி முதல்வர் சுப்பிரமணியம் நன்றி கூறினார்.
    விழாவில் வித்யாலயத்தில் உள்ள 18க்கும் மேற்பட்ட கல்வி நிறுவனங்களின் நிர்வாகிகள், கல்லூரி முதல்வர்கள், பள்ளி தலைமையாசிரியர்கள், ஆசிரியர்கள் மற்றும் மாணவ, மாணவியர் பலர் கலந்து கொண்டனர். 
     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp