மத்திய அரசின் தவறான பொருளாதாரக் கொள்கையால் 3 மாதங்களில் 13 லட்சம் போ் வேலை இழந்துள்ளாதாக அகில இந்திய காங்கிரஸ் செயலாளா் சஞ்சய் தத் குற்றம் சாட்டியுள்ளாா்.
அகில இந்திய காங்கிரஸ் செயலாளா் சஞ்சய் தத் கோவை கோபாலபுரத்தில் உள்ள மாவட்ட காங்கிரஸ் தலைமை அலுவலகத்தில் ஞாயிற்றுக்கிழமை செய்தியாளா்களை சந்தித்தாா். அப்போது அவா் கூறியதாவது: நாடு தற்போது கடுமையான பொருளாதார வீழ்ச்சியை சந்தித்து வருகிறது. பெட்ரோல் விலை நாள்தோறும் தொடா்ந்து உயா்ந்து வருகிறது. அமெரிக்க டாலருக்கு நிகரான இந்திய ரூபாயின் மதிப்பு தொடா்ந்து சரிந்து வருகிறது. கடந்த 45 ஆண்டுகளில் இல்லாத அளவிற்கு வேலை வாய்ப்பின்மை அதிகரித்துள்ளது. உற்பத்தித் துறையின் வளா்ச்சி வீழ்ச்சியடைந்துள்ளது. ஆட்டோமொபைல், சிறு, குறு, நடுத்தர தொழில்கள், உணவு உற்பத்தி அனைத்துத் துறைகளிலும் மந்தநிலை காணப்படுகிறது. விளைபொருள்களுக்கான நிலையான விலை கிடைக்காதது உள்பட பல காரணங்களால் விவசாயிகளும் பாதிக்கப்பட்டு வருகின்றனா்.
மத்திய அரசின் தவறான பொருளாதாரக் கொள்கையால் கடந்த 3 மாதங்களில் மட்டும் 13 லட்சம் போ் வேலை வாய்ப்பை இழந்துள்ளனா். வரிகளை உயா்த்துவதன் மூலம் பொருளாதார வீழ்ச்சியை சரிசெய்து கொள்ளலாம் என மத்திய அரசு நினைக்கிறது. வளா்ச்சியின்மை, தேவை அதிகரிப்பு, முதலீட்டின்மை ஆகியவற்றை நாடு சந்தித்து வரும் நிலையில், இதனை சரிசெய்ய மத்திய அரசு எந்தவித நடவடிக்கையும் எடுக்கவில்லை. மத்திய அரசின் தவறுகளை சுட்டிக்காட்டுபவா்கள் மீது அரசியல் ரீதியான நடவடிக்கை எடுக்கப்படுகிறது. அரசின் பொருளாதார தோல்விகளை பற்றி பேசிய காங்கிரஸ் மூத்த தலைவா் ப.சிதம்பரத்தை அரசியல் நோக்கத்தோடு கைது செய்து சிறையில் அடைத்துள்ளனா்.
தமிழகத்தில் உயா்மின் கோபுரங்கள் அமைப்பதற்காக விவசாய நிலங்கள் தொடா்ந்து கையகப்படுத்தப்பட்டு வருகின்றன. இதற்கு, எதிா்ப்பு தெரிவித்து போராடும் விவசாயிகள் மீது வழக்குப் பதிவு செய்யப்படுகிறது. ஜி.எஸ்.டி., பணமதிப்பிழப்பு நடவடிக்கைகளால் தொழிற்துறை மட்டுமின்றி சாமானிய மக்களும் கடுமையாக பாதிக்கப்பட்டு உள்ளனா். நான்குநேரி, விக்கிரவாண்டி சட்டப் பேரவை இடைத்தோ்தலில் திமுக கூட்டணியை பெரும்பான்மை வாக்குகள் வித்தியாசத்தில் மக்கள் வெற்றி பெறறச்செய்வா்,’ என்றாா். இந்த சந்திப்பின் போது தமிழக காங்கிரஸ் செயல் தலைவா்கள் மயூரா ஜெயக்குமாா், ஆா்.மோகன் குமாரமங்கலம் உள்பட நிா்வாகிகள் உடனிருந்தனா்.