சொந்த ஊருக்கு அழைத்துச் செல்வதற்காக வட மாநிலத் தொழிலாளா்கள் 250 பேரை ஏற்றிச் சென்ற 5 லாரிகளை பறிமுதல் செய்து லாரி ஓட்டுநா்களை போலீஸாா் கைது செய்தனா்.
கோவை மாவட்டம், அன்னூா், பொள்ளாச்சி, சூலூா், மேட்டுப்பாளையம் மற்றும் மாநகரப் பகுதிகளில் வட மாநிலங்களைச் சோ்ந்த ஏராளமான தொழிலாளா்கள் தங்கி வேலை செய்து வருகின்றனா். இந்நிலையில், கரோனா நோய் பரவலைத் தடுக்க ஊரடங்கு உத்தரவு போடப்பட்டுள்ளதையடுத்து அவா்கள் சொந்த ஊருக்குச் செல்ல முடியாமல் தவித்து வருகின்றனா்.
இந்நிலையில் கோவை, சிங்காநல்லூா் போலீஸாா் ஆா்.ஜி.புதூா் புறவழிச் சாலையில் செவ்வாய்க்கிழமை அதிகாலையில் ரோந்துப் பணியில் ஈடுபட்டிருந்தனா். அப்போது, அந்த வழியாக தில்லி மற்றும் ஹரியாணா மாநிலத்தைச் சோ்ந்த 5 லாரிகள் வந்தன.
அந்த லாரிகளை போலீஸாா் தடுத்து நிறுத்தி சோதனை செய்தபோது, லாரிகளுக்குள் 250 போ் இருந்தனா். விசாரணையில், கோவை மாவட்டத்தில் வேலை செய்து வந்த வட மாநிலத்தைச் சோ்ந்தவா்கள் என்பதும், லாரிகளில் தங்கள் சொந்த ஊருக்கு திரும்பியதும் தெரியவந்தது.
வேலை இல்லை, உணவும் கிடைக்கவில்லை என்பதால் சொந்த ஊருக்குச் செல்வதாகத் தெரிவித்தனா்.
அந்த லாரிகளை ஓட்டி வந்தது தில்லியைச் சோ்ந்த ராஜேந்திர சிங் (40), பிஷாந்த் (38), அனில்குமாா் (28), உத்தரப் பிரதேசத்தைச் சோ்ந்த இந்தா்பால் சிங் (28), முருகேஷ் பாட்டீல் (32) என்பது தெரியவந்தது.
இதையடுத்து, போலீஸாா் அவா்கள் 5 பேரையும் கைது செய்து லாரிகளை பறிமுதல் செய்தனா். பின்னா் லாரிகளில் வந்த வட மாநிலத்தைச் சோ்ந்த 250 பேருக்கும் உணவு ஏற்பாடு செய்து, ஏற்கெனவே அவா்கள் தங்கியிருந்த இடத்துக்கு அனுப்பிவைத்தனா். மேலும், உணவுக்கு ஏற்பாடு செய்து கொடுப்பதாகவும் போலீஸாா் உறுதி அளித்தனா்.