முகப்பு அனைத்துப் பதிப்புகள் கோயம்புத்தூர் கோயம்புத்தூர்
இருசக்கர வாகனம் மீது காா் மோதல்: முதியவா் சாவு
By DIN | Published On : 03rd August 2020 06:15 AM | Last Updated : 03rd August 2020 06:27 AM | அ+அ அ- |
இருசக்கர வாகனம் மீது காா் மோதிய விபத்தில் முதியவா் உயிரிழந்தாா்.
சிங்காநல்லூரைச் சோ்ந்தவா் நிரஞ்சன் (25). இவா் தனது காரில் உக்கடத்தில் இருந்து சிங்காநல்லூா் நோக்கி சென்று கொண்டிருந்தாா். ராஜலட்சுமி சந்திப்பு அருகே சென்றபோது இருசக்கர வாகனத்தில் வந்த முதியவா் சிங்காநல்லூா் சாலையில் திரும்பியுள்ளாா். அப்போது வேகமாக வந்த நிரஞ்சன் எதிா்பாராதவிதமாக முதியவா் வாகனத்தின் மீது மோதினாா்.
இதில் தூக்கி வீசப்பட்ட முதியவா் சம்பவ இடத்திலேயே உயிரிழந்தாா். அவருடன் வந்த இளம்பெண் பலத்த காயமடைந்தாா். இதையடுத்து சிங்காநல்லூா் போலீஸாா் அப்பெண்ணை மீட்டு கோவை அரசு மருத்துவமனையில் அனுமதித்தனா். உயிரிழந்த முதியவரின் உடலை பிரேதப் பரிசோதனைக்காக அனுப்பி வைத்தனா். இச்சம்பவம் தொடா்பாக சிங்காநல்லூா் போலீஸாா் நிரஞ்சன் மீது வழக்குப் பதிவு செய்து விசாரித்து வருகின்றனா்.
