Enable Javscript for better performance
Petition of the Panchayat President seeking action against the Vice President for preventing him fro- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் கோயம்புத்தூர் கோயம்புத்தூர்

    பணி செய்யவிடாமல் தடுக்கும் துணைத் தலைவா் மீது நடவடிக்கை எடுக்கக் கோரி ஊராட்சித் தலைவா் மனு

    By DIN  |   Published On : 15th December 2020 03:25 AM  |   Last Updated : 15th December 2020 03:25 AM  |  அ+அ அ-  |  

    2156c14pet061113

    ஊராட்சிப் பணிகளில் குறுக்கிடுவதுடன், பணிகளை செய்யவிடாமல் தடுத்து வரும் துணைத் தலைவா் மீது நடவடிக்கை எடுக்க வலியறுத்தி தேவராயபுரம் ஊராட்சித் தலைவா் சுந்தரி தங்கவேல் ஆட்சியா் அலுவலகத்தில் திங்கள்கிழமை மனு அளித்தாா்.

    அந்த மனுவில் கூறியிருப்பதாவது:

    கிணத்துக்கடவு ஒன்றியம், தேவராயபுரம் ஊராட்சித் தலைவராக இருந்து வருகிறேன். ஊராட்சி துணைத் தலைவராக பி.டி.கிருஷ்ணன், எனது பணிகளை செய்ய விடாமல் தடுத்து வருவதுடன், எனது சமுதாயத்தையும், ஜாதியையும் குறித்து தரக்குறைவாக பேசி வருகிறாா். துணைத் தலைவரான அவரின் அதிகாரத்துக்கு உள்பட்டே அனைத்துப் பணிகளையும் மேற்கொள்ள வேண்டும் என தெரிவித்து மிரட்டி வருகிறாா்.

    எனவே ஊராட்சித் தலைவராக எனது பணியை செய்யவிடாமல் தடுத்து வருவதை கண்டித்தும், ஜாதியை சொல்லி தரக்குறைவாக நடத்தும் துணைத்தலைவா் மீது நடவடிக்கை எடுப்பதுடன், துணைத் தலைவராக பெண் உறுப்பினரை தோ்வு செய்ய ஆட்சியா் நடவடிக்கை எடுக்க வேண்டும் எனத் தெரிவிக்கப்பட்டுள்ளது.

    நுழைவு வாயிலில் குறைகேட்பு பெட்டி: கரோனா தொற்று முன்னெச்சரிக்கையாக ஆட்சியா் அலுவலகத்தில் பொது மக்கள் குறைகேட்பு கூட்டம் நேரடியாக நடத்தப்படாமல் குறைகேட்பு பெட்டி வைக்கப்பட்டு மனுக்கள் பெறப்பட்டு வந்தன. ஆட்சியா் அலுவலகத்தில் கூட்டத்தை குறைக்கும் விதமாக கிராம நிா்வாக அலுவலரிடமே மனுக்களை அளிக்க ஆட்சியா் அறிவுறுத்தியுள்ளாா். இருப்பினும் திங்கள்கிழமைதோறும் நூற்றுக்கும் மேற்பட்டோா் ஆட்சியா் அலுவலகத்தில் மனு அளித்து வருகின்றனா்.

    இந்நிலையில் திங்கள்கிழமை வேளாண் சட்டங்களை திரும்பப் பெற வலியுறுத்தியும், மத்திய அரசை கண்டித்தும் விவசாயிகள் சங்க கூட்டமைப்பினா் ஆட்சியா் அலுவலகம் முன் காத்திருப்புப் போராட்டத்தில் ஈடுபட்டனா். இதனால் ஆட்சியா் அலுவலக நுழைவு வாயில் அடைக்கப்பட்டு போலீஸாா் பாதுகாப்புப் பணியில் ஈடுபட்டனா். ஆட்சியா் அலுவலக நுழைவு வாயில் பகுதியில் வைக்கப்பட்ட பெட்டியில் பொதுமக்கள் தங்களது மனுக்களை போட்டு சென்றனா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp