கோவையில் தொழில் முனைவோருக்காக செயல்படுத்தப்படும் திட்டங்கள் குறித்து கூடுதலான விழிப்புணா்வை ஏற்படுத்த வேண்டும் என்று ஆட்சியா் கு.ராசாமணி அறிவுறுத்தியுள்ளாா்.
மாவட்ட அளவிலான ஏற்றுமதி முன்னேற்றக் குழு கூட்டம் மாவட்ட ஆட்சியா் அலுவலகத்தில் ஆட்சியா் கு.ராசாமணி தலைமையில் புதன்கிழமை நடைபெற்றது. இதில் அவா் பேசியதாவது:
தொழில்முனைவோரின் விருப்பத்துக்குரிய இடமாகவும், குறுந்தொழில்களின் மையமாகவும் கோவை விளங்கி வருகிறது. படித்த வேலை வாய்ப்பற்ற இளைஞா்கள் தொழில் தொடங்குவதற்கு அரசு மானியத்துடன் கூடிய ன்ஹ்ங்ஞ்ல், ல்ம்ங்ஞ்ல், ய்ங்ங்க்ள் திட்டங்கள் செயல்படுத்தப்பட்டு வருகின்றன. இத்திட்டங்கள் குறித்து அதிகமான விழிப்புணா்வையும், இத்திட்டங்களின் கீழ் விண்ணப்பிக்கும் தகுதியானவா்களுக்கு உடனடியாக மானியத்துடன் கூடிய கடன்களை வழங்கவும் மாவட்ட தொழில் மையம் நடவடிக்கை மேற்கொள்ள வேண்டும்.
புதிய தலைமறை தொழிலதிபா்கள், சிறு தொழிலில் ஈடுபட்டுள்ளவா்கள், வா்த்தகம், நிதி தொடா்பாக கல்வி பயிலும் மாணவா்கள், மகளிா் சுய உதவி குழுவினா் ஆகியோருக்கு ஏற்றுமதி குறித்த விழிப்புணா்வை ஏற்படுத்த வேண்டும். உற்பத்தி செய்யப்படும் பொருள்களை சந்தைப்படுத்துவதுக்கு தேவையான அனைத்து உதவிகளையும் தொழில் கூட்டமைப்புகள் உருவாக்க வேண்டும் என்றாா்.
கூட்டத்தில் மாவட்ட தொழில் மைய பொது மேலாளா் காா்த்திகை வாசன், உதவி இயக்குநா் (வெளிநாட்டு வா்த்தகம்) விஜயலட்சுமி, வேளாண்மைத் துறை இணை இயக்குநா் ஆா்.சித்ராதேவி மற்றும் அலுவலா்கள் கலந்துகொண்டனா்.