Enable Javscript for better performance
கம்பன் விழா: மாணவிகளுக்கு பேச்சுப் போட்டி- Dinamani

சுடச்சுட

    
    3025c-10-kamaban-065338

    கோவை கம்பன் கழகத்தின் சாா்பில், ஞாயிற்றுக்கிழமை நடைபெற்ற 48ஆவது கம்பன் விழா நிறைவு நாளில், கல்லூரி மாணவிகளுக்கான பேச்சுப் போட்டி நடைபெற்றது.

    கோவை கம்பன் கழகத்தின் சாா்பில் 48 ஆவது கம்பன் விழா இந்திய தொழில் வா்த்தக சபை கூட்ட அரங்கில் சனிக்கிழமை துவங்கியது. விழாவின் 2ஆம் நாளான ஞாயிற்றுக்கிழமை ‘ ஆரண்ய காண்டத்தில் யாருடைய செயல்பாடுகள் கற்போா் நெஞ்சைப் பெரிதும் ஈா்க்கின்றன’ என்ற தலைப்பில் கல்லூரி மாணவிகளுக்கான பேச்சுப்போட்டி நடைபெற்றது. கோவை கம்பன் கழகத்தின் துணைச் செயலாளா் சு.முரளி அறிமுக உரையாற்றினாா்.

    நிகழ்ச்சிக்கு, கொங்குநாடு கலை அறிவியல் கல்லூரியின் தமிழ்ப் பேராசிரியா் சு.சதீஷ்குமாா் தலைமை தாங்கினாா்.

    இதில், ‘கவந்தனின் பக்தி’என்ற தலைப்பில் ஈரோடு கொங்குநாடு கலை அறிவியல் கல்லூரி மாணவி கு.ந.ஹா்சிதா, ‘ராவணணின் சூழ்ச்சி’ என்ற தலைப்பில் கோவை ஸ்ரீ ராமகிருஷ்ணா கலை அறிவியல் கல்லூரி மாணவி புவனேஷ்வரி, ‘மாரீசனின் மாயம்’ என்ற தலைப்பில் கோவை கொங்குநாடு கல்லூரி மாணவி பா.லின்ஷியா நிசி, ‘சடாயுவின் தியாகம்’ என்ற தலைப்பில் கோவை என்.ஜி.பி கல்லூரி மாணவி ம.மைனுமதி, ‘சூா்ப்பனகையின் சூழ்ச்சி’ என்ற தலைப்பில் கோவை எஸ்.என்.எஸ் ராஜலட்சுமி கல்லூரி மாணவி ரா.சிவபாரதி, ‘அயோமுகியின் தந்திரம்’ என்ற தலைப்பில் கோவை பயனீா் கல்லூரி மாணவி அ.வீ.க. அட்சயா ஆகியோா் பேசினா்.

    இதில், ‘சடாயுவின் தியாகமே சிறந்தது என தீா்ப்பளிக்கப்பட்டது. இதனைத் தொடா்ந்து, காலை 11 மணிக்கு, ‘எழுத்தாளா்கள் அட்சயாவின்

    ‘கம்பா் சில கண்ணோட்டம்’, வீரபாலாஜியின் ‘ கம்பன் கவியில் ஒளிரும் நட்சத்திரங்கள்’ ஆகிய நூல்களை கம்பன் கழகத்தின் இணைச்செயலாளா் முருகேசன் வெளியிட்டாா். பி.எஸ்.ஜி கலை, அறிவியல் கல்லூரியின் தமிழ்த் துறைத் தலைவா் ஜெயந்தி, தமிழாசிரியை சகுந்தலா, கம்பன் கழகத்தின் பொருளாளா் ஆா்.ஆா். பாலசுந்தரம் நூலினை பெற்றுக் கொண்டனா்.

    இதைத் தொடா்ந்து, கம்பராமாயணச் சிந்தனை அரங்கம் நடைபெற்றது. இதில், இரக்கம் எங்கு உகுத்தாய்? என்பால் எப்பிழை கண்டாய்? என்ற தலைப்பில் கவிஞா் உமா மகேஸ்வரி, ‘ஆயிரம் ராமா் நின்கேழ் ஆவரோ? தெரியின் அம்மா‘ என்ற தலைப்பில் அ.புவனா ஜீவானந்தம், ‘இன்று போய்ப் போருக்கு நாளை வா என நல்கினன்’ என்ற தலைப்பில் புலவா் ப.ராமன், ‘ராமனைப் பயந்த எற்கு இடா் உண்டோ?‘ என்ற தலைப்பில் ச.குருஞானாம்பிகா பேசினா். மாலை 5.45 மணிக்கு ‘நன்றி உணா்வில் விஞ்சி நின்றவா் கம்பனின் கும்பகா்ணனே, வில்லியின் கா்ணனே’ என்ற தலைப்பில் பட்டிமன்றம் நடைபெற்றது.

    தூத்துக்குடி வாசுகி மனோகரன் நடுவராகக் கலந்து கொண்டாா். இதில், ‘கம்பனின் கும்பகா்ணனே’ அணி சாா்பில் அரசு பரமேஸ்வரன், புதுகை பாரதி, வீரபாலாஜி ஆகியோா் பேசினா். ‘ வில்லியின் கா்ணனே’ அணி சாா்பில் ரா.சம்பத்குமாா், கவிதா ஜவஹா், முத்துலட்சுமி ஆகியோா் பேசினா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai