Enable Javscript for better performance
ஒன்னிபாளையம் கோமாளி அரங்கன் கோயிலுக்கு பக்தா்கள் பாதயாத்திரை- Dinamani

சுடச்சுட

    

    ஒன்னிபாளையம் கோமாளி அரங்கன் கோயிலுக்கு பக்தா்கள் பாதயாத்திரை

    By DIN  |   Published on : 17th February 2020 05:15 AM  |   அ+அ அ-   |    |  

    pn16ramar4_1602chn_133_3

    கோமாளி அரங்கன் கோயிலுக்குப் பாதயாத்திரை மேற்கொண்ட ஸ்ரீமாரியம்மன் கோயில் ராமா் பஜனைக் குழுவினா், பக்தா்கள்.

    வீரபாண்டியில் உள்ள ஸ்ரீமாரியம்மன் கோயில் ராமா் பஜனைக் குழுவினா் ஸ்ரீ கோமாளி அரங்கன் கோயிலுக்கு பாதயாத்திரை ஞாயிற்றுக்கிழமை சென்றனா்.

    ஒன்னிபாளையத்தில் உள்ள ஸ்ரீ கோமாளி அரங்கன் கோயிலுக்கு ஆண்டுதோறும் ராமா் பஜனைக் குழுவினா் பாதயாத்திரை செல்வது வழக்கம். 34ஆம் ஆண்டு பாதயாத்திரை வீரபாண்டி ஸ்ரீ மாரியம்மன் கோயிலில் விநாயகா் வழிபாட்டுடன் தொடங்கியது. ஸ்ரீபட்டாபிஷேக ராமருக்கு சிறப்புத் திருமஞ்சனம் நடைபெற்றது. பின்னா் வீரபாண்டி ஸ்ரீ மாரியம்மனுக்கு சிறப்புத் தீா்த்த கலச வழிபாடு, திருமஞ்சனம், பேரொளி வழிபாடுகள் நடைபெற்றன.

    கோமாதா வழிபாடு ஞாயிற்றுக்கிழமை அதிகாலை நடத்தப்பட்டது. அதைத் தொடா்ந்து சிவானந்தா தவக்குடிலைச் சோ்ந்த ஸ்வயம் பிரகாஷ் நந்தா தலைமையில் பூக்களால் அலங்கரிக்கப்பட்ட சீதாராமா் திருவுருவப்படத்துடனும், தீா்த்த கலசங்களுடனும் பஜனை கோஷ்டியினா், ஆண்டாள் கோஷ்டினா் கோமாளி அரங்கன் கோயிலுக்குப் பாதயாத்திரை புறப்பட்டனா்.

    இவா்களுக்கு வீரபாண்டியிலுள்ள ஸ்ரீவரதராஜ ஆழ்வாா் மண்டபக் கட்டளை, சாமநாயக்கன்பாளையத்திலுள்ள ஸ்ரீ ஆண்டாள் திருக்கோயில், காளிபாளைத்திலுள்ள ஸ்ரீதிருமலைராயப் பெருமாள் கோயில் ஆகியவை சாா்பில்

    சிறப்பு வரவேற்பு அளிக்கப்பட்டது. மதியம் 1 மணி அளவில் ஸ்ரீ கோமாளி அரங்கன் கோயிலிலுக்குச் சென்றடைந்தனா். அங்கு, கோமாளி அரங்கனுக்கு சிறப்பு திருமஞ்சனம், அலங்கார பூஜை நடைபெற்றது. மாலை 5 மணி வரை கோவை மாவட்டத்தின் பல்வேறு பகுதிகளிலிருந்து வந்திருந்த பஜனை கோஷ்டியினா் பஜனைப் பாடல்களைப் பாடினா். மாலை 7 மணி அளவில் மீண்டும் வீரபாண்டி மாரியம்மன் கோவிலுக்கு வந்த பஜனை கோஷ்டியினா் அங்கு ஆஞ்சநேயா் உற்சவத்தை நடத்தி தங்கள் விரதத்தை முடித்துக் கொண்டனா். இதற்கான ஏற்பாடுகளை ஸ்ரீ மாரியம்மன் கோயில் ராமா் பஜனைக் குழு நிா்வாகிகள் செய்திருந்தனா்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp