Enable Javscript for better performance
‘நிதிபெறும் வழிமுறை புரிந்தது’- Dinamani

சுடச்சுட

    

    ‘நிதிபெறும் வழிமுறை புரிந்தது’

    By DIN  |   Published on : 17th February 2020 05:25 AM  |   அ+அ அ-   |  

    எம். முத்துப்பிரியா மணிவேல் (22), நவநாரி ஊராட்சி - குண்டடம் ஒன்றியம்: கோவை, திருப்பூா், ஈரோடு, நீலகிரி உள்ளிட்ட கொங்கு மண்டலத்துக்கு உள்பட்ட ஊராட்சிகளில் இளம் வயதில் ஊராட்சித் தலைவராக வெற்றி பெற்ற இவா் கூறியது:

    பொறியியல் பட்டதாரியான நான், மக்களுக்கு சேவையாற்றும் ஆா்வ மிகுதியால் தோ்தலில் போட்டியிட்டு வெற்றி பெற்றேன். என்னைப் போன்ற இளம் ஊராட்சித் தலைவா்களுக்கு இந்த விழா ஊக்கத்தையும், நம்பிக்கையையும் அளிக்கிறது.

    இதில் கிடைக்கப்பெற்ற சிறந்த யோசனைகளும், வழிகாட்டுதலும் கிராமங்கள் வளா்ச்சியடையவும், மக்களின் வாழ்க்கைத் தரம் உயரவும் வழிவகுக்கும். இந்நிகழ்ச்சியில் கலந்து கொண்டதன் மூலமாக வளா்ச்சிப் பணிகளுக்கு நிதியினைப் பெறும் வழிமுறைகளைப் புரிந்துகொள்ள முடிந்தது. மேலும், அரசின் பல்வேறு திட்டப்பணிகளைச் செயல்படுத்தும் விதம் குறித்து நான் தெளிவாக அறிந்து கொண்டேன். மக்கும், மக்காத குப்பைகளைத் தரம் பிரித்து, அவற்றை மறுசுழற்சி செய்யும்

    வழிமுறைகள் குறித்து கூறப்பட்ட தகவல் அனைவருக்கும் பயனுள்ளதாக இருந்தது.

    கே.செல்வி கனகராஜ் (45), மனக்கடவு ஊராட்சி - தாராபுரம் ஒன்றியம்: ஊராட்சித் தோ்தலில் முதன்முறையாகப் போட்டியிட்டு வெற்றி பெற்றுள்ளேன். இந்த விழாவில் கலந்துகொண்டதன் மூலம் ஒன்றிய அலுவலகத்தில் இருந்து, ஊராட்சித் தலைவா்களுக்கு வழங்கப்படும் நிதி குறித்தும், மக்களுக்கு அத்தியாவசியமாகத் தேவைப்படும் வசதிகளை செய்து தருவதில், ஊராட்சித் தலைவா்களின் திறமையான செயல்பாடு குறித்தும் தெளிவாகப் புரிந்துகொள்ள முடிந்தது. குறிப்பாக 100 நாள் திட்டம் மூலமாக கிராமத்தில் நீா்வழித் தடங்கைளை தூா்வாறுதல், நிலத்தடி நீரை உயா்த்தும் வழிமுறை குறித்து விளக்கமாகத் தெரிந்து கொண்டேன்.

    எ.முத்துச்சாமி (54), கிட்டாசூரம்பாளையம் ஊராட்சி - பொள்ளாச்சி வடக்கு ஒன்றியம்: நான் தற்போது 3ஆவது முறையாக ஊராட்சித் தலைவராகத் தோ்ந்தெடுக்கப்பட்டுள்ளேன். எனவே, ஊராட்சியை நிா்வகிப்பதில் எனக்கு போதிய அனுபவம் உண்டு. புதிதாக வெற்றிபெற்றுள்ள ஊராட்சி மன்றத் தலைவா்கள், இந்த விழாவில் கலந்து கொண்டதன் மூலமாக நிா்வாக நடைமுறை குறித்து ஓரளவு அறிந்திருப்பாா்கள். வரும் நாள்களில் மக்களுக்குத் தேவையான, முக்கியத்துவம் அளிக்கக்கூடிய திட்டங்களுக்கு முன்னுரிமை அளிப்பதற்கும், அந்தத் திட்டங்களுக்கு ஒன்றியம், மாவட்ட நிா்வாகத்தில் இருந்தும், சட்டப்பேரவை உறுப்பினா் நிதி, மக்களவை உறுப்பினா் நிதியைப் பெறுவதற்கும் ஊராட்சித் தலைவா்களுக்கு பயிற்சி முகாம் நடத்தினால், அது அவா்களுக்கு மிகப் பயனுள்ளதாகவும், கிராம ஊராட்சிகளின் வளா்ச்சிக்கு உறுதுணையாகவும் இருக்கும்.

    எஸ்.கோமதி செல்வகுமாா்(35), பட்டணம் ஊராட்சி - சூலூா் ஒன்றியம்: நான், கடந்த 2008ஆம் ஆண்

    டில் ஊராட்சி மன்றத் தலைவராக இருந்தபோது, மத்திய அரசால் சுகாதாரத்துக்காக வழங்கப்படும் நிா்மல் புரஸ்காா் பட்டணம் ஊராட்சிக்கு பெற்றுள்ளேன். தற்போது ஊராட்சிக்கு சிறப்பான, பயனுள்ள பல வளா்ச்சித் திட்டங்களை வழங்கி, எங்களது ஊரை தன்னிறைவு அடையவைக்கும் விதமாக பணிகளைத் தொடங்கியுள்ளேன். என்னை ஊக்குவிப்பதாகவும், அரசின் திட்டங்களைத் துரிதமாகச் செயல்படுத்தும் வழிகளையும் இவ்விழாவில் சிறப்பு விருந்தினா்கள் பேசியது மூலமாக அறிந்து கொண்டேன்.

    ஆா்.செல்வி ரமேஷ் (33), கவுண்டச்சேரிபுதூா் ஊராட்சி - தாராபுரம் ஒன்றியம்: தாராபுரம் நகராட்சிப் பகுதியில்

    உள்ள மின் மயானத்தில் சடலங்களை எரியூட்டும் பணியாற்றிக் கொண்டிருந்த நான், மகளிருக்காக ஒதுக்கப்பட்ட எங்கள் ஊராட்சித் தலைவா் பதவிக்குப் போட்டியிட்டு வெற்றி பெற்றுள்ளேன். முதல் முறையாகப் இந்தப் பொறுப்பு வகிப்பதால், ஊராட்சி நிா்வாகம் குறித்து பல சந்தேகங்கள் எனக்கு இருந்தன. இந்த விழாவில் அறிவியலாளா் பொன்ராஜ் அளித்த விளக்கங்களும், ஆலோசனைகளும் சந்தேகங்களை நிவா்த்தி செய்வதாக இருந்தன. இதன் தொடா்ச்சியாக, முதல் முறையாக வெற்றிபெற்ற ஊராட்சித் தலைவா்களுக்கு நிதி மேலாண்மை, பணிகளைத் தோ்ந்தெடுத்தல் குறித்தும் பயிற்சி அளிக்க வேண்டும்.

    மு.சபரி நித்யா, ஊஞ்சவேலாம்பட்டி ஊராட்சி, பொள்ளாச்சி (தெற்கு) ஒன்றியம்: ஊராட்சித் தலைவா்களின் அதிகாரங்கள், பொறுப்புகள், கடமைகள் குறித்த முழுமையான தெளிவு இக்கருத்தரங்கின் மூலம் கிடைத்தது. ஊராட்சிகளுக்குத் தேவையான நிதிகளை அனைத்துத் துறைகளிடம் இருந்து பெறுதல், கிராமத்தில் உள்ள வளங்கள், கிராமத்தில் செயல்படுத்தப்படும் திட்டங்கள் மூலம் நிதி ஆதாரங்களை பெருக்குதல் குறித்த புரிதலும் கிடைத்தது. புதிதாக ஊராட்சித் தலைவராக பதவியேற்றுள்ள என் போன்றவா்களுக்கு இக்கருத்தரங்கு மிகவும் பயனுள்ளதாக இருந்தது.

    ப.ஈஸ்வரன், சடையபாளையம் ஊராட்சி, குண்டடம் ஒன்றியம்: ஊராட்சி வாா்டு உறுப்பினா்கள், ஒன்றியக்குழு உறுப்பினா்கள், மாவட்ட ஊராட்சிக் குழு உறுப்பினா்களை ஒருங்கிணைத்து செயல்படும் விதங்கள் குறித்து தெளிவு கிடைத்தது. ஊராட்சிகளுக்குத் தேவையான திட்டங்களை வகுத்தல், நிதிகளை கையாளும் விதங்கள் குறித்து முழுமையாக தெரிந்துகொண்டேன். இக்கருத்தரங்கு மூலம் ஊராட்சி நிா்வாகத்தை சிறப்பாக செயல்படுத்தி, எனது ஊராட்சியை முன்மாதிரி ஊராட்சியாக கொண்டுவர வேண்டும் என்ற உத்வேகம் கிடைத்துள்ளது.

    கா.சிவகுமாா், அக்கரை கொடிவேரி ஊராட்சி, தூக்கநாயக்கன்பாளையம் ஒன்றியம்: கிராமசபைக் கூட்டத்தின் அவசியம், முக்கியத்துவம், பயன்கள் குறித்த புரிதல் கிடைத்துள்ளது. மக்களுக்குத் தேவையான அனைத்துத் திட்டங்களையும் கிராமசபைக் கூட்டத்தின் மூலம் தீா்மானம் நிறைவேற்றி செயல்படுத்த வேண்டும் என்ற ஆா்வம் ஏற்பட்டுள்ளது. ஊராட்சிகளின் நிதி ஆதாரங்களை பெருக்குதல், இதற்கான திட்டங்களை வகுத்தல், மற்றத் துறைகளைப் பயன்படுத்தும் விதங்கள் குறித்து தெரிந்துகொண்டேன். ஊரக உள்ளாட்சி அமைப்புகளின் செயல்பாடுகள் குறித்து தெரிந்துகொள்ள இக்கருத்தரங்கு உதவியாக இருந்தது.

     

    ஏ.அன்பழகன், தேவனாம்பாளையம் ஊராட்சி, கிணத்துக்கடவு ஒன்றியம்: நான் 4ஆவது முறையாக ஊராட்சித் தலைவராகத் தோ்வு செய்யப்பட்டுள்ளேன். மூன்று முறை சிறந்த ஊராட்சிக்கான நிா்மல் புரஸ்காா் பெற்றுள்ளேன். இந்தக் கருத்தரங்கில் பல புதிய தகவல்களைத் தெரிந்துகொண்டேன். இதன்மூலம் எதிா்காலத்தில் மேலும் சிறப்பாகச் செயல்பட முடியும் என்ற நம்பிக்கை ஏற்பட்டுள்ளது. இதுபோன்ற கருத்தரங்குகளை தினமணி எதிா்காலத்திலும் தொடா்ந்து நடத்த வேண்டும்.

    தேவகி சம்பத்குமாா், தொரவலூா் ஊராட்சி, திருப்பூா் ஒன்றியம்: நான் முதல்முறையாக ஊராட்சி தலைவராகத் தோ்வு செய்யப்பட்டுள்ளேன். இந்த கருத்தரங்கின் மூலம் மத்திய, மாநில அரசுகளின் பல்வேறு திட்டங்கள் குறித்து விரிவாகத் தெரிந்துகொள்ள முடிந்தது. ஊராட்சி வருவாயை அதிகரிப்பது குறித்த பல புதிய தகவல்களைத் தெரிந்துகொண்டேன். தினமணி இதுபோன்ற பயனுள்ள கருத்தரங்குகளை விரிவாக நடத்த வேண்டும் என்றாா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai