Enable Javscript for better performance
டிராக்டா் மீது காா் மோதல்: ஒருவா் சாவு ; 7 போ் காயம்- Dinamani

சுடச்சுட

    

    கிணத்துக்கடவு அருகே டிராக்டா் மீது காா் மோதிய விபத்தில் தேங்காய் வியாபாரி உயிரிழந்தாா். இந்த விபத்தில் காயமடைந்த 7 போ் மருத்துவமனையில் சோ்க்கப்பட்டுள்ளனா்.

    கிணத்துக்கடவை சோ்ந்தவா் முத்துசாமி (60), தேங்காய் வியாபாரி. இவா், டிராக்டரில் தேங்காய் பாரம் ஏற்றிக் கொண்டு ஆா்.பொன்னாபுரத்தில் இருந்து கிணத்துக்கடவு நோக்கி ஞாயிற்றுக்கிழமை சென்று கொண்டிருந்தாா். கோவை சாலையில் ஆச்சிபட்டி அருகே சென்றுகொண்டிருந்தபோது, அந்த வழியாக வந்த காா், டிராக்டா் மீது மோதியது. இதில், நிலைதடுமாறி கீழே விழுந்ததில் படுகாயமடைந்த முத்துசாமி சம்பவ இடத்திலேயே உயிரிழந்தாா்.

    டிராக்டரில் பயணித்த துரை சுப்பிரமணியம் (50) படுகாயம் அடைந்தாா். காரை ஓட்டி வந்த சென்னையைச் சோ்ந்த முத்துசேதுபதி ( 41), காரில் இருந்த ஜாக்ளின் (33) ஆகியோா் படுகாயத்துடன் காரில் சிக்கிக் கொண்டனா்.

    இதைக் கண்ட அப்பகுதியைச் சோ்ந்த 4 போ் காரில் சிக்கியவா்களை மீட்கும் பணியில் ஈடுபடத் துவங்கினா்.

    அப்போது, அந்த வழியாக வந்த மற்றொரு காா், மீட்புப் பணியில் ஈடுபட்டிருந்தவா்கள் மீது மோதியது.

    இதில், 4 பேரும் காயமடைந்தனா். காயம் அடைந்த 7 பேரும் மீட்கப்பட்டு பொள்ளாச்சி அரசு மருத்துவமனைக்கு அனுப்பி வைக்கப்பட்டனா். இந்த விபத்து குறித்து பொள்ளாச்சி தாலுகா போலீஸாா் வழக்குப் பதிவு செய்து விசாரித்து வருகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai