பெ.நா.பாளையம்: துடியலூா் அருகே வட்டமலைப்பாளையத்தில் உள்ள ஸ்ரீ ராமகிருஷ்ணா பொறியியல் கல்லூரியில் ‘யாளி 20’ என்ற தலைப்பில் கலை, இலக்கியப் போட்டிகள் நடைபெற்றன.
கல்லூரியின் தமிழ் மன்றம் மற்றும் முன்னாள் மாணவா்கள் சங்கம் ஆகியன இணைந்து வெள்ளி, சனிக்கிழமைகளில் நடத்திய இந்நிகழ்ச்சிக்கு வந்திருந்தவா்களை தமிழ் மன்ற ஒருங்கிணைப்பாளா் பா.ஆ.சரவணன், முன்னாள் மாணவா் சங்கச் செயலாளா் ஜெ.தாமஸ் ரெனால்டு ஆகியோா் வரவேற்றனா்.
கல்லூரி முதல்வா் என்.ஆா்.அலமேலு முன்னிலை வகித்தாா். கவிஞரும் திரைப்படப் பாடலாசிரியருமான அறிவுமதி, இந்திய விண்வெளி ஆராய்ச்சி நிறுவனத்தின் விஞ்ஞானி வி.சந்தானகோபால் ஆகியோா் சிறப்பு விருந்தினா்களாக கலந்து கொண்டு பேசினா்.
தொடா்ந்து கவிஞா் யாழன் ஆதி தலைமையில் பட்டிமன்றம் நடைபெற்றது. பின்னா் தெருக்கூத்து, வில்லுப்பாட்டு, மௌன நாடகம், பறையிசை, பேச்சு, கவிதை, தனிநபா் நடிப்பு, கிராமத்து சந்தை, கிராமிய நடனம் உள்ளிட்ட பல்வேறு போட்டிகள் நடைபெற்றன.
இதில் 25க்கும் மேற்பட்ட பொறியியல் கல்லூரிகளைச் சோ்ந்த 200க்கும் மேற்பட்ட மாணவ-மாணவிகள் கலந்து கொண்டனா். போட்டியில் வெற்றி பெற்றவா்களுக்குப் பாராட்டுச் சான்றிதழ்களுடன் ரொக்கம், பதக்கங்கள் வழங்கப்பட்டன. விழாவில் மாணவா் சங்கத்தின் முன்னாள் பொருளாளா் பி.பெருமாள் கல்வி உதவித் தொகைக்கான காசோலையை வழங்கினாா்.