கோவை அரசு மருத்துவா் உருவாக்கியபுற ஊதாக் கதிா் கிருமி நாசினி பெட்டி

முகக் கவசம் போன்ற மருத்துவ உபகரணங்களை சுத்தம் செய்து மீண்டும் பயன்படுத்தும் வகையில் புற ஊதாக் கதிா் கிருமி நாசினி பெட்டியை கோவை அரசு மருத்துவா் உருவாக்கியுள்ளாா்.

கரோனா நோய்த் தொற்று பரவலைக் கட்டுப்படுத்துவதற்கு முகக்கவசம் அணிதல், சமூக இடைவெளி, அடிக்கடி கை கழுவுதல் ஆகிய மூன்று வழிமுறைகளைக் கட்டாயம் பின்பற்ற அறிவுறுத்தப்பட்டுள்ளது. பல்வேறு வகையான முகக் கவசங்கள் இருந்தாலும் கரோனா நோயாளிகளுக்கு சிகிச்சை அளிக்கும் மருத்துவா்கள், கரோனா அறிகுறிகளுடன் வருபவா்களுடன் சிகிச்சை அளிப்பவா்கள், கரோனா நோயாளிகளுடன் நெருங்கிப் பழகுபவா்கள் ஆகியோா் ‘என்-95’ முகக் கவசம் அணிந்துகொள்ள அறிவுறுத்தப்படுகிறது. இதனையும் ஒரு வாரம் மட்டுமே அணிந்துகொள்ள அறிவுறுத்தப்பட்டுள்ளது. இதன் விலை அதிகம் என்பதால் அனைவராலும் பயன்படுத்த முடியாது.

மேலும், அரசுக்கும் கூடுதல் செலவாகிறது. மருத்துவமனைக்குள் சென்று வருபவா்களின் அனைத்துப் பொருள்களையும் கிருமி நாசினி கொண்டு சுத்தம் செய்ய அறிவுறுத்தப்படுகிறது. இந்நிலையில் முகக் கவசம் உள்பட மருத்துவ உபகரணங்களை சுத்தம் செய்து மீண்டும் பயன்படுத்தும் வகையில் புற ஊதாக் கதிா் கிருமி நாசினி பெட்டியை கோவை அரசு மருத்துவமனை சமூக மருத்துவத் துறை மருத்துவா் பா.பன்னீா்செல்வம் உருவாக்கியுள்ளாா்.

இது தொடா்பாக அவா் கூறியதாவது:

என்-95 முகக் கவசத்தின் விலை அதிகமாக உள்ளது. கரோனா நோயாளிகளுக்கு சிகிச்சை அளிக்கும் மருத்துவா்கள் ஒரு முைான் இந்த முகக் கவசத்தை பயன்படுத்த முடியும். எனவே இந்த முகக் கவசத்தில் உள்ள கிருமிகளை புற ஊதாக் கதிா்களை பயன்படுத்தி அழித்து மீண்டும் பயன்படுத்தும் வகையில் புற ஊதாக் கதிா் கிருமி நாசினி பெட்டியை உருவாக்கியுள்ளேன். பெட்டி முழுவதும் அலுமினியம் பாயில் ஷீட் ஒட்டப்பட்டு, புற ஊதாக் கதிா்களை வெளிப்படுத்தும் விளக்கு வைக்கப்பட்டுள்ளது. இந்த விளக்கில் இருந்து வெளிப்படும் புற ஊதாக் கதிா்கள் அலுமினியம் ஷீட்டில் பிரதிபலித்து உள்ளே வைக்கப்படும் பொருள்களில் உள்ள கிருமிகளை அழிக்கின்றன. இந்தப் பெட்டியில் முகக் கவசம், மருத்துவா்கள் பயன்படுத்தும் ஸ்டெதஸ்கோப், செல்லிடப்பேசி உள்பட அனைத்துப் பொருள்களையும் சுத்தம் செய்துகொள்ளாலம்.

இதற்கு 10 நிமிடங்கள் போதுமானது. இந்த முறையில் ‘என்-95’ முகக் கவசத்தை 5 முறை கிருமி நீக்கம் செய்து பயன்படுத்த முடியும். இந்தப் பெட்டி மருத்துவமனை வாா்டுகள், பயிற்சி மருத்துவா்கள் விடுதி உள்ளிட்ட இடங்களில் வைக்கப்படவுள்ளது என்றாா்.