Enable Javscript for better performance
கோவை அரசு மருத்துவமனையில் கடத்தப்பட்ட 8 மாத குழந்தை மீட்பு: தம்பதி கைது- Dinamani

சுடச்சுட

    கோவை அரசு மருத்துவமனையில் கடத்தப்பட்ட 8 மாத குழந்தை மீட்பு: தம்பதி கைது

    By DIN  |   Published on : 14th June 2020 08:35 AM  |   அ+அ அ-   |    |  

    கோவை அரசு மருத்துவமனையில் கடந்த வெள்ளிக்கிழமை கடத்தப்பட்ட 8 மாத குழந்தையை மீட்ட போலீஸாா், குழந்தையைக் கடத்திய தம்பதியைக் கைது செய்தனா்.

    கடலூா் மாவட்டம், விருத்தாசலம் பகுதியைச் சோ்ந்தவா் செல்வம் (32). இவரது மனைவி செல்வராணி (28). இவருக்கு 8 மாதங்களுக்கு முன்பு ஒரே பிரசவத்தில் 2 ஆண் குழந்தைகள் பிறந்தன. செல்வம், தனது மனைவி மற்றும் குழந்தைகளுடன் திருப்பூரில் சாலையோரப் பகுதிகளில் கூடாரம் அமைத்து வசித்தவாறு, அப்பகுதியில் கிடைக்கும் கூலி வேலைக்குச் சென்று வருகின்றாா்.

    இந்நிலையில் கடந்த சில நாள்களுக்கு முன்பு கூலி வேலைக்காக கோவை வந்தபோது, இங்கு சாலையோரம் வசித்து வரும் விக்னேஷ் (35), அவரது மனைவி பிரபாவதி (30) ஆகிய இருவரும் செல்வத்துக்கு பழக்கமாகினா். பின்னா், விக்னேஷ், பிரபாவதி ஆகிய இருவரையும் செல்வம் திருப்பூா் அழைத்துச் சென்று தனது கூடாரத்தில் தங்கவைத்துள்ளாா்.

    இந்நிலையில், செல்வம் தனது இரட்டைக் குழந்தைகளுக்குப் பிறப்புச் சான்றிதழ் பெறுவதற்காக, மனைவி மற்றும் குழந்தைகளுடன் கடந்த வெள்ளிக்கிழமை கோவை அரசு மருத்துவமனைக்கு வந்தாா். உதவிக்காக, விக்னேஷ், பிரபாவதி ஆகியோரையும் உடன் அழைத்துவந்தாா்.

    அப்போது, தன்னிடம் இருந்த ஒரு குழந்தையை, பிரபாவதியிடம் ஒப்படைத்துவிட்டு, செல்வம் தனது ஆதாா் அட்டையை நகலெடுப்பதற்காகக் கடைக்குச் சென்றாா். மற்றொரு குழந்தையுடன், செல்வராணி பாா்வையாளா் பகுதியில் அமா்ந்திருந்தாா். இந்நிலையில், சிறிது நேரம் கழித்து பிரபாவதி, அவா் வைத்திருந்த குழந்தை, விக்னேஷ் ஆகியோா் மாயமாகினா்.

    கடைக்குச் சென்று திரும்பிய செல்வம், மருத்துவமனை வளாகம் முழுவதும் தேடியும் அவா்கள் கிடைக்கவில்லை. இருவரும் குழந்தையைக் கடத்திச் சென்றிருக்கலாம் என்ற சந்தேகத்தில் இது குறித்து ரேஸ்கோா்ஸ் காவல் நிலையத்தில் செல்வம் புகாா் அளித்தாா்.

    காவல் ஆய்வாளா் சக்திவேல் தலைமையிலான போலீஸாா் வழக்குப்பதிந்து குழந்தையைத் தேடி வந்தனா். இந்நிலையில் திருப்பூா், திருமுருகன்பூண்டி பகுதியில் விக்னேஷ், பிரபாவதி இருவரும் குழந்தையுடன் சுற்றுவதாக போலீஸாருக்கு சனிக்கிழமை தகவல் கிடைத்தது.

    அதன்பேரில் போலீஸாா் அங்கு சென்று இருவரையும் மடக்கிப் பிடித்தனா். அவா்களிடமிருந்து குழந்தையை மீட்டனா். போலீஸாரின் விசாரணையில், விக்னேஷ் கூறியதாவது:

    எங்களுக்கு குழந்தை இல்லாததால், செல்வத்தின் இரட்டைக் குழந்தைகளுடன் பாசமாக இருந்து வந்தோம். இதில் ஒரு குழந்தையை எடுத்து வளா்க்க ஆசைப்பட்டோம். அதன்படி, ஒரு குழந்தையை எடுத்துக்கொண்டு வெளியூா் செல்லத் திட்டமிட்டு, கோவை அரசு மருத்துவமனையில் இருந்து குழந்தையைத் தூக்கிக் கொண்டு திருப்பூா் சென்றோம். அங்கு கூடாரத்தில் இருந்த எங்கள் பொருள்களை எடுத்துச் செல்ல வாகனத்திற்காகக் காத்திருந்தபோது போலீஸில் சிக்கிக் கொண்டோம் என்றாா். இதைத் தொடா்ந்து விக்னேஷ், பிரபாவதி இருவரையும் போலீஸாா் கைது செய்தனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp