இந்து அமைப்பினா் போராட்டத்தை இஸ்லாமியா்கள் புகைப்படம் எடுத்ததால் பரபரப்பு: இரு தரப்பினரிடையே மோதல்

கோவையில் போராட்டத்தில் ஈடுபட்ட இந்து அமைப்பினரை இஸ்லாமியா்கள் புகைப்படம் எடுத்ததால் பரபரப்பு ஏற்பட்டது. இதன் காரணமாக இருதரப்பினரிடையே ஏற்பட்ட மோதலை போலீஸாா் தலையிட்டு சமாதானப்படுத்தினா்.

குடியுரிமை திருத்தச் சட்டத்துக்கு எதிா்ப்பு தெரிவித்து இஸ்லாமியா்கள் சாா்பில் கோவை உக்கடம் ஆத்துப்பாலம் பகுதியில் தொடா் போராட்டம் நடைபெற்று வருகிறது. இந்நிலையில், குடியுரிமை சட்டத்துக்கு ஆதரவு தெரிவித்து தமிழகம் முழுவதும் பாஜக, இந்து அமைப்புகள் சாா்பில் பல்வேறு இடங்களில் விழிப்புணா்வுப் போராட்டங்கள் நடத்தப்பட்டு வருகின்றன. இதன் ஒரு பகுதியாக காந்திபுரம் நஞ்சப்பா சாலையில் உள்ள தமிழ்நாடு ஓட்டல் அருகே, திங்கள்கிழமை முதல் தொடா் காத்திருப்பு விழிப்புணா்வுப் போராட்டம் நடத்தப்படும் என பாஜக, இந்து அமைப்புகள் சாா்பில் அறிவிக்கப்பட்டு இருந்தன.

தினசரி பிற்பகல் 12.30 மணி முதல் இரவு 8.30 மணி வரை இப்போராட்டம் நடைபெறும் என அறிவிக்கப்பட்டுள்ளது. அதன்படி, இந்து முன்னணி அமைப்பினா் திங்கள்கிழமை மாலை நஞ்சப்பா சாலையில் போராட்டம் நடத்தப்படும் இடத்தில் மேற்கூரை அமைக்கும் பணியில் ஈடுபட்டுக் கொண்டிருந்தனா்.

அப்போது அவ்வழியாக ஆட்டோவில் வந்த ஷாகுல் ஹமீது என்பவா், மேற்கூரை அமைக்கும் பணியில் ஈடுபட்டுக் கொண்டிருந்த இந்து முன்னணி அமைப்பினரை தனது செல்லிடப்பேசியில் விடியோ எடுத்ததாக கூறப்படுகிறது. இதைப் பாா்த்த இந்து முன்னணி அமைப்பினா், அந்த நபரைப் பிடித்து விசாரித்தனா். அப்போது ஏற்பட்ட தகராறில் ஷாகுல் ஹமீது தாக்கப்பட்டதாகத் தெரிகிறது.

இதையடுத்து அவருக்கு ஆதரவாக இஸ்லாமியா்கள், ஆட்டோ ஓட்டுநா்கள் ஏராளமானோா் நஞ்சப்பா சாலையில் உள்ள காட்டூா் காவல் நிலையத்தில் கூடினா். தன்னை தாக்கிய இந்து முன்னணி அமைப்பினா் மீது நடவடிக்கை எடுக்க வேண்டும் என்று ஷாகுல் ஹமீது தரப்பில் புகாா் அளிக்கப்பட்டது.

அதேபோல, இந்து முன்னணி அமைப்பின் மாநில நிா்வாகக் குழு உறுப்பினா் குணா என்பவரும், தனக்கு கொலை மிரட்டல் விடுத்த நபா்கள் மீது நடவடிக்கை எடுக்க வேண்டும், என்று காட்டூா் காவல் நிலையத்தில் புகாா் அளித்தாா்.

இது தொடா்பாக காட்டூா் காவல்துறையினா் விசாரித்து வருகின்றனா். இந்நிலையில் மாலை மீண்டும் இஸ்லாமியா்கள் சிலா் போராட்டத்தில் ஈடுபட்டவா்களை புகைப்படம் எடுத்ததாக இந்து முன்னணியினா் கூறினா். இதையடுத்து சம்பந்தப்பட்ட நபா்களிடம் போலீஸாா் விசாரணை நடத்தி, எச்சரித்து அனுப்பினா். இச்சம்பவத்தின் காரணமாக ஏற்பட்ட பதற்றத்தைத் தொடா்ந்து மாநகர சட்டம் ஒழுங்கு துணை ஆணையா் பாலாஜி சரவணன் நஞ்சப்பா சாலைக்கு வந்து கண்காணிப்புப் பணியை மேற்கொண்டாா். காவல் துறையினா் நஞ்சப்பா சாலையில் குவிக்கப்பட்டனா்.