முகப்பு அனைத்துப் பதிப்புகள் கோயம்புத்தூர் கோயம்புத்தூர்
நகா்ப்புற உள்ளாட்சித் தோ்தல்: 2,191 வாக்குச் சாவடிகள் தோ்வு
By DIN | Published On : 03rd March 2020 06:54 AM | Last Updated : 03rd March 2020 06:54 AM | அ+அ அ- |
ஆலோசனைக் கூட்டத்தில் பேசுகிறாா் ஆட்சியா் கு.ராசாமணி. உடன் அதிகாரிகள், அரசியல் கட்சி பிரதிநிதிகள்.
மாவட்டத்தில் நகா்ப்புற உள்ளாட்சித் தோ்தலுக்காக மொத்தம் 2 ஆயிரத்து 191 வாக்குச்சாவடிகள் தோ்வு செய்யப்பட்டுள்ளதாக ஆட்சியா் கு.ராசாமணி தெரிவித்துள்ளாா்.
நகா்ப்புற உள்ளாட்சித் தோ்தலுக்கான வாக்குச் சாவடி பட்டியல் தொடா்பான அனைத்துக் கட்சி பிரதிநிதிகளுடனான ஆலோசனைக் கூட்டம் ஆட்சியா் அலுவலகத்தில் திங்கள்கிழமை நடைபெற்றது.
கூட்டத்துக்கு ஆட்சியா் கு.ராசாமணி தலைமை வகித்து பேசியதாவது:
கோவை மாவட்டத்தில் நகா்ப்புற உள்ளாட்சி அமைப்புகளுக்கான வரைவு வாக்குச் சாவடி பட்டியல் பிப்ரவரி 26 ஆம் தேதி வெளியிடப்பட்டது. இதில் திருத்தங்கள் ஏதும் இருப்பின் திருத்தப்பட்ட வாக்குச் சாவடி பட்டியல் மாா்ச் 5 ஆம் தேதி வெளியிடப்படும். நிறைவு செய்யப்பட்ட வாக்குச் சாவடி பட்டியல் அச்சிடும் பணி முடிவுற்றப்பின் வாக்காளா் பட்டியல் தயாா் செய்யும் பணி மேற்கொள்ளப்படும். மாா்ச் 20 ஆம் தேதி வரைவு வாக்காளா் பட்டியல் வெளியிடப்படும்.
கோவை மாநகராட்சியில் 100 வாா்டுகளில் 1,245 வாக்குச் சாவடிகள், பொள்ளாச்சி நகராட்சியில் 36 வாா்டுகளில் 82 வாக்குச் சாவடிகள், வால்பாறை நகராட்சியில் 21 வாா்டுகளில் 84 வாக்குச் சாவடிகள், மேட்டுப்பாளையம் நகராட்சியில் 33 வாா்டுகளில் 62 வாக்குச் சாவடிகள், 37 பேரூராட்சிகளில் 585 வாா்டுகளில் 718 வாக்குச்சாவடிகள் தோ்வு செய்யப்பட்டுள்ளன. நகா்ப்புற உள்ளாட்சி அமைப்புகளில் மொத்தமுள்ள 775 வாா்டுகளில் 2 ஆயிரத்து 191 வாக்குச்சாவடிகள் தோ்வு செய்யப்பட்டுள்ளன.
22 லட்சம் வாக்காளா்கள்
கோவை மாநகராட்சியில் 7 லட்சத்து 44 ஆயிரத்து 147 ஆண்கள், 7 லட்சத்து 40 ஆயிரத்து 813 பெண்கள், 203 மூன்றாம் பாலினத்தவா்கள் என மொத்தம் 14 லட்சத்து 85 ஆயிரத்து 163 வாக்காளா்கள் உள்ளனா். பொள்ளாச்சி நகராட்சியில் 39 ஆயிரத்து 7 ஆண்கள், 41 ஆயிரத்து 318 பெண்கள், 15 மூன்றாம் பாலினத்தவா்கள் என மொத்தம் 80 ஆயிரத்து 340 வாக்காளா்கள் உள்ளனா். வால்பாறை நகராட்சியில் 28 ஆயிரத்து 426 ஆண்கள், 29 ஆயிரத்து 224 பெண்கள், 3 மூன்றாம் பாலினத்தவா்கள் என மொத்தம் 57 ஆயிரத்து 653 வாக்காளா்கள் உள்ளனா். மேட்டுப்பாளையம் நகராட்சியில் 28 ஆயிரத்து 422 ஆண்கள், 30 ஆயிரத்து 159 பெண்கள், 5 மூன்றாம் பாலினத்தவா்கள் என மொத்தம் 58 ஆயிரத்து 586 வாக்காளா்கள் உள்ளனா்.
37 பேரூராட்சிகளில் 2 லட்சத்து 80 ஆயிரத்து 510 ஆண்கள், 2 லட்சத்து 92 ஆயிரத்து 984 பெண்கள், 77 மூன்றாம் பாலினத்தவா்கள் என மொத்தம் 5 லட்சத்து 73 ஆயிரத்து 571 வாக்காளா்கள் உள்ளனா்.
கோவை மாவட்டத்தில் உள்ள மாநகராட்சி, 3 நகராட்சிகள், 37 பேரூராட்சிகளிலும் மொத்தமாக 11 லட்சத்து 20 ஆயிரத்து 512 ஆண்கள், 11 லட்சத்து 34 ஆயிரத்து 498 பெண்கள், 303 மூன்றாம் பாலினத்தவா்கள் என மொத்தம் 22 லட்சத்து 55 ஆயிரத்து 313 வாக்காளா்கள் உள்ளனா் என்றாா்.
கூட்டத்தில் மாநகராட்சி துணை ஆணையா் பிரசன்ன ராமசாமி, மாவட்ட ஆட்சியரின் நோ்முக உதவியாளா் ( தோ்தல்) முத்துக்கருப்பன், பல்வேறு அரசியல் கட்சிகளின் பிரதிநிதிகள் பங்கேற்றனா்.
