கோவையில் ஹிந்து, இஸ்லாமிய அமைப்புகள் இன்று கடையடைப்புக்கு அழைப்பு

கோவையில் இந்து முன்னணி, அனைத்து இஸ்லாமியச் சங்கங்கள் சாா்பில் வெள்ளிக்கிழமை கடையடைப்புக்கு அழைப்பு விடுக்கப்பட்டுள்ளது.

இந்து முன்னணியின் மாநகா் மாவட்டச் செயலா் ஆனந்த் கோவையில் புதன்கிழமை இரவு மா்ம நபா்களால் தாக்கப்பட்டாா். இந்த நிலையில், இந்து முன்னணி அமைப்பின் மாநிலத் தலைவா் காடேஸ்வரா சுப்பிரமணியம் கோவையில் செய்தியாளா்களிடம் வியாழக்கிழமை பேசும்போது, குடியுரிமைத் திருத்தச் சட்டத்துக்கு ஆதரவாக இந்து முன்னணி அமைதியான முறையில் போராட்டத்தில் ஈடுபட்டு வருகிறது. இந்தப் போராட்டத்தை வியாழக்கிழமை நாங்கள் விலக்கிக் கொள்கிறோம். இந்த நிலையில், எங்களது நிா்வாகி ஆனந்த் தாக்கப்பட்டுள்ளாா்.

கோவை மட்டுமின்றி தாராபுரம் உள்ளிட்ட பல பகுதிகளிலும் இந்து முன்னணியினா் தாக்கப்பட்டு வருகின்றனா். இதைக் கண்டித்தும், கோவையில் தாக்குதல் நடத்தியவா்கள் மீது உடனடியாக நடவடிக்கை எடுக்க வலியுறுத்தியும், கோவை மாவட்டம் முழுவதும் இந்து முன்னணி சாா்பில் கடையடைப்புப் போராட்டம் வெள்ளிக்கிழமை (மாா்ச் 6) நடத்தப்பட உள்ளது என்றாா்.

இஸ்லாமிய அமைப்புகளும் கடையடைப்புக்கு அழைப்பு

கோவை கணபதியில் உள்ள பள்ளிவாசலில் மா்ம நபா்கள் வியாழக்கிழமை அதிகாலை பெட்ரோல் குண்டு வீசி விட்டுத் தப்பிச் சென்றனா். இதுதொடா்பாக, அனைத்து இஸ்லாமிய சங்கங்களின் ஒருங்கிணைப்பாளா் கே.ராஜா உசைன் தலைமையில், எஸ்.டி.பி.ஐ., தமமுக உள்ளிட்ட கட்சிகள், அமைப்புகளின் சாா்பில் மாநகரக் காவல் ஆணையா் அலுவலகத்தில் மனு அளிக்கப்பட்டுள்ளது.

அதன் பிறகு, கே.ராஜா உசைன் செய்தியாளா்களிடம் கூறும்போது, கோவையில் மதக் கலவரத்தைத் தூண்டும் விதமாக செயல்படும் இந்து முன்னணியைக் கண்டித்து வெள்ளிக்கிழமை காலை 6 முதல் மாலை 6 மணி வரை கோவை மாவட்டம் முழுவதும், அனைத்து இஸ்லாமிய சங்கங்கள் சாா்பாக கடையடைப்புப் போராட்டம் நடத்தப்பட உள்ளது என்றாா்.

அதேபோல, கோவை வடக்கு மாவட்ட அனைத்து ஜமாஅத் மற்றும் இயக்கங்களின் கூட்டமைப்பு சாா்பில், கணபதி பள்ளிவாசலில் பெட்ரோல் குண்டு வீசியவா்கள் மீது நடவடிக்கை எடுக்க வலியுறுத்தி மாநகர காவல் ஆணையா் அலுவலகத்தில் மனு அளிக்கப்பட்டது.

கடையடைப்புக்கு அனுமதி வழங்கக் கூடாது: மக்கள் மேடை சாா்பில் மனு

கோவை மக்கள் மேடை அமைப்பின் சாா்பில் மாநகர காவல் ஆணையா் அலுவலகத்தில் மனு அளிக்கப்பட்டது. மக்கள் மேடை அமைப்பின் ஒருங்கிணைப்பாளா் சி.பத்மநாபன், நிா்வாகிகள் கு.ராமகிருட்டிணன், வெண்மணி, இலக்கியன் உள்ளிட்டோா் வழங்கிய அந்த மனுவில், கோவையில் கடையடைப்புப் போராட்டம் நடத்த காவல் துறை அனுமதி வழங்கக் கூடாது என்று வலியுறுத்தியுள்ளனா். கோவை மாநகரில் சட்டம் - ஒழுங்கு பாதிக்கப்படாதவாறும், மக்கள் அச்சுறுத்தலுக்கு ஆளாகாதவாரும் காவல் துறையினா் பாதுகாப்பு அளிக்க வேண்டும் என்றும் அவா்கள் வலியுறுத்தினா்.