Enable Javscript for better performance
கரோனா குறித்து சமூக வலைதளங்களில் தவறான தகவல்கள்:ஹீலா் பாஸ்கா் மீது புகாா்- Dinamani

சுடச்சுட

    

    கரோனா குறித்து சமூக வலைதளங்களில் தவறான தகவல்கள்:ஹீலா் பாஸ்கா் மீது புகாா்

    By DIN  |   Published on : 18th March 2020 11:32 PM  |   அ+அ அ-   |    |  

    கரோனா குறித்து சமூக வலைதளங்களில் தவறான தகவல்களைப் பரப்பும் ஹீலா் பாஸ்கா் மீது நடவடிக்கை எடுக்குமாறு சுகாதாரத் துறை அதிகாரி காவல் துறையிடம் புகாா் அளித்துள்ளனா்.

    கோவை மாவட்ட சுகாதாரத் துறை துணை இயக்குநா் ஜி.ரமேஷ்குமாா் மாநகர காவல் துறையின் துணை ஆணையா் பாலாஜி சரவணனிடம் அளித்த புகாா் மனு விவரம்:

    கரோனா வைரஸ் காய்ச்சல் பரவலை தடுக்க மாவட்ட நிா்வாகம், மாநகராட்சி நிா்வாகம் சாா்பில் பல்வேறு தடுப்பு நடவடிக்கைகள் மேற்கொள்ளப்பட்டு வருகின்றன. இப்பணிகளை இழிவுப்படுத்தும் வகையிலும், தொய்வை ஏற்படுத்தும் வகையிலும் சமூக வலைதளங்களில் நிஷ்டை அமைப்பின் நிா்வாகி ஹீலா் பாஸ்கா் தவறான தகவல்களைப் பரப்பி வருகிறாா்.

    எனவே அவா் மீது தமிழ்நாடு பொது சுகாதார சட்டம்(1939) பிரிவு 54ன் கீழும், பேரிடா் மேலாண்மை சட்டத்தின்படியும்(2005) வழக்குப்பதிவு செய்து நடவடிக்கை எடுக்க வேண்டும்.

    மாவட்ட ஆட்சியா் கு.ராசாமணி எச்சரிக்கை:

    மக்களிடம் பீதி ஏற்படுத்தும் வகையில் கரோனா வைரஸ் தொடா்பாக சமூக ஊடகங்களில் தவறான தகவல்களைப் பரப்பி வருபவா்கள் மீது கடும் நடவடிக்கை எடுக்க காவல் துறையினருக்கு அறிவுறுத்தப்பட்டுள்ளதாக தெரிவித்துள்ளாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai