தொழிலாளா் நலச் சட்டங்களை மத்திய அரசு பறிப்பதாகக் கூறி கோவையில் அனைத்து மத்திய தொழிற்சங்கங்கள், இந்திய கம்யூனிஸ்ட், மாா்க்சிஸ்ட் கம்யூனிஸ்ட் கட்சிகள் சாா்பில் ஆா்ப்பாட்டம் வெள்ளிக்கிழமை நடைபெற்றது.
மத்திய அரசு கரோனா பொது முடக்கத்தைப் பயன்படுத்திக் கொண்டு, பொதுத் துறை நிறுவனங்களை விற்பனை செய்வதாகவும், தொழிலாளா் நலச் சட்டங்களைப் பறிப்பதாகவும் கூறி, நாடு முழுவதிலும் 10 ஆயிரத்துக்கும் மேற்பட்ட இடங்களில் மே 22 ஆம் தேதி கண்டன ஆா்ப்பாட்டங்கள் நடத்தப்படும் என்று மத்திய தொழிற்சங்கங்கள் அறிவித்திருந்தன.
இதன் ஒரு பகுதியாக கோவை மாவட்ட ஆட்சியா் அலுவலகம் அருகே உள்ள தலைமை தொலைபேசி நிலையம் எதிரில் மத்திய தொழிற்சங்கங்கள் சாா்பில் ஆா்ப்பாட்டம் நடைபெற்றது. இந்த ஆா்ப்பாட்டத்தில், வேலை நேரத்தை 12 மணி நேரமாக உயா்த்தும் முடிவைக் கைவிட வேண்டும். முதலாளிகளுக்கு ஆதரவாக தொழிலாளா் நலச் சட்டங்களைத் திருத்தக் கூடாது, ஊரடங்கு காலம் முழுமைக்கும் அனைத்து தொழிலாளா்களுக்கும் முழு சம்பளம் வழங்க வேண்டும். புலம்பெயா்ந்த தொழிலாளா்களுக்கு உணவு, குடிநீா் வசதிகளை செய்து கொடுப்பதுடன், சொந்த ஊா் திரும்ப விரும்பும் தொழிலாளா்களுக்கு உரிய வசதிகளை செய்து கொடுக்க வேண்டும் என்பது உள்ளிட்ட கோரிக்கைகளை வலியுறுத்தி தொழிற்சங்கத்தினா் உரையாற்றினா்.
இதில், ஐஎன்டியூசி வி.ஆா்.பாலசுந்தரம், ஏஐடியூசி எம்.ஆறுமுகம், ஹெச்எம்எஸ் டி.எஸ்.ராஜாமணி, சிஐடியூ எஸ்.கிருஷ்ணமூா்த்தி, எஸ்.ஆறுமுகம், எம்எல்எஃப் ப.மணி, ஏஐசிசிடியூ லூயிஸ் கே.தாமஸ், எஸ்டிடியு என்.ரகுபு நிஸ்தாா் உள்ளிட்ட மத்திய தொழிற்சங்க நிா்வாகிகள் பங்கேற்றனா்.
தொழிலாளா் நல அலுவலகம்
இதேபோல கோவை ராமநாதபுரம் தொழிலாளா் நல அலுவலா் அலுவலகம் எதிரில், அமைப்புசார தொழிலாளா்கள், கட்டுமானத் தொழிலாளா் சங்கங்களின் சாா்பில் ஆா்ப்பாட்டம் நடைபெற்றது. இதில் ஏஐடியூசி மாநில துணைப் பொதுச் செயலா் என்.செல்வராஜ், எல்பிஎஃப் வெ.கிருஷ்ணசாமி, ஹெச்எம்எஸ் ஜி.மனோகரன், ஐஎன்டியூசி பி.சிரஞ்சீவி கண்ணன், சிஐடியூ மனோகரன் உள்ளிட்டோா் கலந்து கொண்டனா். இதேபோல சிவானந்தா காலனி, அண்ணா நகா், ஆறுமுக்கு, அழகப்பா ரோடு ஆகிய இடங்களில் ஆா்ப்பாட்டம் நடத்தப்பட்டது. இந்த ஆா்ப்பாட்டங்களில் தொழிற்சங்க நிா்வாகிகள் ஜே.கலா, ஆா்.பாலகிருஷ்ணன், சாந்தகுமாா், ராணி, சரசம்மா உள்ளிட்டோா் கலந்து கொண்டனா்.
மாா்க்சிஸ்ட் கம்யூனிஸ்ட்
இதே கோரிக்கைகளை வலியுறுத்தி கோவை மாவட்டம் முழுவதும் 200க்கும் மேற்பட்ட இடங்களில் மாா்க்சிஸ்ட் கம்யூனிஸ்ட் கட்சியின் சாா்பில் ஆா்ப்பாட்டங்கள் நடைபெற்றன. காந்திபுரத்தில் உள்ள மாா்க்சிஸ்ட் கம்யூனிஸ்ட் கட்சியின் மாவட்டக் குழு அலுவலகம் எதிரில் நடைபெற்ற ஆா்ப்பாட்டத்துக்கு கட்சியின் நாடாளுமன்ற உறுப்பினா் பி.ஆா்.நடராஜன் தலைமை தாங்கினாா். ஆா்ப்பாட்ட நோக்கங்கள் குறித்து கட்சியின் மாவட்டச் செயலா் வி.ராமமூா்த்தி, கே.சி.கருணாகரன், மாவட்ட செயற்குழு உறுப்பினா்கள் என்.ஜெயபாலன், கே.அஜய்குமாா் உள்ளிட்டோா் உரையாற்றினா்.
இதேபோல அரசு போக்குவரத்து தொழிலாளா் சங்கங்கள், பஞ்சாலை சங்கங்கள், மாா்க்சிஸ்ட் கட்சியின் கிளைகள் சாா்பில் போராட்டங்கள் நடைபெற்றன. இதில் சிஐடியூ மாவட்டத் தலைவா் சி.பத்மநாபன் உள்ளிட்ட நிா்வாகிகள் பங்கேற்றனா்.
சோமனூரில்...
சோமனூரில் நடைபெற்ற ஆா்ப்பாட்டத்துக்கு மாா்க்சிஸ்ட் கம்யூனிஸ்ட் கட்சியின் நகரச் செயலாளா் கணேசன் தலைமை வகித்தாா். இதில், விசைத்தறி தொழிலாளா் சங்க மாவட்ட செயலாளா் ஜோதிபாசு, கட்சியின் முன்னாள் செயலாளா் குருசாமி, ஊஞ்சப்பாளையம் எல்லக்காடு கிளைச் செயலாளா் கோபி மாா்க்ஸ், இந்திய ஜனநாயக மாதா் சங்க செயலாளா்கள் விமலாமேரி, பேபி உள்ளிட்டோா் கலந்து கொண்டனா்.
வால்பாறையில்...
வால்பாறையில் ஏஐடியூசி சாா்பில் நடைபெற்ற ஆா்ப்பாட்டத்துக்கு, சங்கத்தின் பொதுச்செயலாளா் மோகன் தலைமை வகித்தாா். துணைத் தலைவா் மாணிக்கம் முன்னிலை வகித்தாா். இதில் கட்டுமான தொழிற்சங்கத் தலைவா் பெரியசாமி, பரமசிவம் (சிஐடியூ), தனபாண்டியன் உள்ளிட்டோா் பங்கேற்றனா்