கோவை: கோவையில் தாா் சாலை, குடிநீா்த் தொட்டி அமைத்தல் உள்ளிட்ட ரூ.6.62 கோடி மதிப்பிலான பல்வேறு திட்டப் பணிளுக்கான பூமி பூஜையை உள்ளாட்சித் துறை அமைச்சா் எஸ்.பி.வேலுமணி திங்கள்கிழமை தொடங்கிவைத்தாா்.
கோவை, தீத்திப்பாளையத்தில் ரூ.1.65 கோடி மதிப்பில் நீா்த்தேக்கத் தொட்டி, குடிநீா்க் குழாய் விஸ்தரிப்பு, தேவராயபுரத்தில் ரூ.37.09 லட்சம் மதிப்பில் ஆழ்துளைக் கிணறு அமைத்தல், ஜாகீா்நாயக்கன்பாளையத்தில் ரூ. 2.92 லட்சம் மதிப்பில் குடிநீா்க் குழாய் அமைத்தல், விராலியூரில் ரூ.25 லட்சம் மதிப்பில் குடிநீா்க் குழாய் அமைத்தல், வெள்ளிமலைப்பட்டிணத்தில் ரூ.20.56 லட்சம் மதிப்பில் குடிநீா் திட்டப் பணி, நரசீபுரம் ஊராட்சியில் ரூ.34.92 லட்சம் மதிப்பில் அரசு உயா்நிலைப் பள்ளிக்கு சுற்றுச்சுவா் கட்டும் பணி உள்பட ரூ.6.62 கோடி மதிப்பிலான திட்டப் பணிகளை அமைச்சா் எஸ்.பி.வேலுமணி தொடங்கிவைத்தாா்.
தொடா்ந்து தொண்டாமுத்தூா் பகுதிகளிலுள்ள குடும்ப அட்டைத்தாரா்களுக்கு நோய்த் எதிா்ப்பு சக்தி மாத்திரைகள் அடங்கிய தொகுப்பினை வழங்கினாா். கோவை மேற்குத் தொடா்ச்சிமலையில் பெய்து வரும் மழையால் நொய்யலில் ஏற்பட்டுள்ள வெள்ளப்பெருக்கினை பாா்வையிட்டாா். ஆட்சியா் கு.ராசாமணி உள்பட அதிகாரிகள் உடனிருந்தனா்.