கருத்துக் கணிப்புகளை நம்புவதில்லை

கருத்துக் கணிப்புகளை நாங்கள் நம்புவதில்லை, எங்களைப் பொருத்தவரை அவை கருத்துத் திணிப்புகள் என்று மக்கள் நீதி மய்யம் தலைவா் கமல்ஹாசன் கூறினாா்.

கோவை, சிங்காநல்லூா் தொகுதிக்கான தோ்தல் அறிக்கையை புதன்கிழமை வெளியிட்ட அவா் பேசியதாவது:

அரசியல் எனது கடமை என பலமுறை கூறிவிட்டேன். அரசியலில் எனது தனித் திறமையை நிரூபிக்கவே இங்கு வந்துள்ளேன். எதிா்க்கட்சியினா் பணம், அதிகாரத்தை தங்களது வியூகங்களாகப் பயன்படுத்தி வருகின்றனா். ஆனால், நோ்மையை மட்டுமே எனது வியூகமாகவும், பலமாகவும் வைத்துள்ளேன்.

பிரசாரம் என்கிற பெயரில் எதிா்க்கட்சியினா் பல்வேறு அருவருக்கத்தக்க கருத்துகளைத் தெரிவித்து வருகின்றனா். அவா்களது கருத்துக்குப் பதில் கூறி எனது தரத்தை நான் குறைத்துக் கொள்ள விரும்பவில்லை. அக்கட்சியினரின் செயல்பாடுகளுக்கு தோ்தலில் மக்கள் தீா்ப்பளிப்பாா்கள். தோ்தல் களத்தில் முழு வீச்சில் செயலாற்றி வருகிறோம். எனவே கருத்துக் கணிப்புகளை நம்புவதில்லை. எங்களைப் பொருத்தவரையில் அவை கருத்துத் திணிப்புகள் என்றாா்.

சிங்காநல்லூா் தொகுதிக்கான 11 பக்கங்கள் அடங்கிய சிங்கார சிங்கை என்ற தோ்தல் வாக்குறுதி புத்தகத்தை கமல்ஹாசன் வெளியிட்டாா். தொகுதியின் ஒவ்வொரு வாா்டிலும் மக்கள் நற்பணி மன்றங்கள் அமைக்கப்படும். சிறு, குறு தொழில் நிறுவனங்களுக்கு தொழில்நுட்ப பூங்காக்கள் அமைக்கப்படும். தொகுதியில் பாதியில் நிற்கும் கட்டுமானப் பணிகள் விரைந்து முடிக்கப்படும். விமான நிலைய விரிவாக்கப் பணிகள் விரைந்து முடிக்கப்படும். சிங்காநல்லூரில் நவீன அரசு மருத்துவமனை அமைக்கப்படும். பெண்களுக்காக ஒவ்வொரு மாதமும் மருத்துவ முகாம் நடத்தப்படும். உணவுப் பதப்படுத்தும் அடிப்படை வசதியுடன் கூடிய உணவுப் பூங்கா அமைக்கப்படும் என்பன உள்ளிட்ட வாக்குறுதிகள் அதில் குறிப்பிடப்பட்டுள்ளன.