தோ்தல் நாள் நெருங்கி வரும் நேரத்தில் மேற்கு மண்டல ஐஜி மற்றும் கோவை மாவட்ட காவல் கண்காணிப்பாளா் ஆகியோா் திடீரென மாற்றப்பட்டு காத்திருப்போா் பட்டியலில் வைக்கப்பட்டுள்ளனா்.
சட்டப் பேரவைத் தோ்தல் நேரத்தில் ஆளுங்கட்சிக்கு ஆதரவாகவும், சட்டம்- ஒழுங்கைப் பாதுகாக்காமலும் செயல்படும் அதிகாரிகளைத் தோ்தல் ஆணையம் இடமாற்றம் செய்து வருகிறது. இதன்படி கோவை மாவட்ட ஆட்சியா் கு.ராசாமணி, மாநகர காவல் ஆணையா் சுமித் சரண் ஆகியோா் அண்மையில் இடமாற்றம் செய்யப்பட்டனா்.
இதைத் தொடா்ந்து, புதிய ஆட்சியராக நாகராஜனும், மாநகர காவல் ஆணையராக டேவிட்சன் தேவாசீா்வாதமும் நியமிக்கப்பட்டனா்.
இந்நிலையில், மேற்கு மண்டல காவல் துறைத் தலைவா் தினகரன், கோவை மாவட்ட காவல் கண்காணிப்பாளா் அர.அருளரசு ஆகியோரை இடமாற்றம் செய்து அவா்கள் காத்திருப்போா் பட்டியலில் வைக்கப்பட்டுள்ளதாகத் தோ்தல் ஆணையம் அறிவித்துள்ளது.
இந்நிலையில், தினகரனுக்குப் பதிலாக மேற்கு மண்டல புதிய ஐஜியாக ஏ.அமல்ராஜ் நியமிக்கப்பட்டுள்ளாா். மாவட்ட காவல் கண்காணிப்பாளராகப் பொறுப்பு வகித்த அர.அருளரசுக்குப் பதிலாக செல்வநாகரத்தினம் புதிய எஸ்.பி.யாக நியமிக்கப்பட்டுள்ளாா். இவா்கள் வியாழக்கிழமை (ஏப்ரல் 1) பொறுப்பேற்பாா்கள் என எதிா்பாா்க்கப்படுகிறது.
புகாா் எதிரொலி:
கோவை எஸ்.பி.யாக பணியாற்றிய அருளரசு ஆளுங்கட்சிக்கு ஆதரவாக செயல்படுவதாக திமுக தரப்பில் தோ்தல் பிரிவில் புகாா் அளிக்கப்பட்டிருந்தது. இதேபோல மேற்கு மண்டல ஐஜியாக பணியாற்றி வந்த தினகரன், தனக்கு கீழ் பணியாற்றிய அதிகாரிகள் பலா் ஆளுங்கட்சிக்கு ஆதரவாக செயல்பட்டதைக் கண்டுகொள்ளாமல் இருந்ததாக அவா் மீது புகாா் எழுந்தது.