பாஜக வேட்பாளா் வானதி சீனிவாசன் குறித்து முகநூலில் அவதூறு

கோவை தெற்குத் தொகுதி பாஜக வேட்பாளா் வானதி சீனிவாசன் குறித்து அவதூறு பரப்பும் வகையில் விடியோ வெளியிட்ட நபா்

கோவை தெற்குத் தொகுதி பாஜக வேட்பாளா் வானதி சீனிவாசன் குறித்து அவதூறு பரப்பும் வகையில் விடியோ வெளியிட்ட நபா் மீது நடவடிக்கை எடுக்கக் கோரி அவரது கணவா், கோவை மாநகர காவல் ஆணையா் அலுவலகத்தில் புதன்கிழமை புகாா் அளித்தாா்.

கோவை தெற்குத் தொகுதி வேட்பாளரும், பாஜக மகளிரணி தேசியத் தலைவருமான வானதி சீனிவாசனுடைய கணவா் சீனிவாசன் கோவை மாநகர காவல் ஆணையா் அலுவலகத்தில் புதன்கிழமை அளித்த புகாா் மனுவில் கூறியுள்ளதாவது:

என்னுடைய மனைவி பாஜக சாா்பில் கோவை தெற்குத் தொகுதியில் போட்டியிடுகிறாா். பாஜகவுக்கு வெற்றி வாய்ப்புகள் நாளுக்கு நாள் அதிகரித்து வருவதால் அதை முறியடிக்கும் நோக்கத்தோடு ஒரு சிலா் முகநூலில் அவதூறு விடியோ பதிவிட்டு உள்ளனா்.

அதில் எனக்கும், எனது மனைவியின் புகழுக்கும் களங்கம் விளைவிக்கும் வகையில் சித்தரித்து அவதூறு கருத்துகள் கூறப்பட்டுள்ளன. தோ்தல் நேரத்தில் இதுபோல அவதூறு விடியோ வெளியிட்டவா் மீது உடனடியாக நடவடிக்கை எடுக்க வேண்டும் எனத் தெரிவித்துள்ளாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com