ராமா் கோயில் கட்டுமானப் பணிக்கு தமிழகத்தில் இருந்து இதுவரை ரூ.120 கோடி நிதி கிடைக்கப் பெற்றுள்ளது என்று உத்தர பிரதேச முதல்வா் யோகி ஆதித்யநாத் தெரிவித்தாா்.
கோவை தெற்குத் தொகுதி பாஜக வேட்பாளா் வானதி சீனிவாசனுக்கு ஆதரவாகப் பிரசாரம் மேற்கொள்ள உத்தர பிரதேச முதல்வா் யோகி ஆதித்யநாத் விமானம் மூலம் கோவைக்கு புதன்கிழமை வந்தாா். பின்னா், விமான நிலையத்தில் இருந்து திறந்த வாகனத்தில் நின்றபடி வந்த அவா் புலியகுளத்தில் உள்ள விநாயகா் கோயிலில் சுவாமி தரிசனம் செய்தாா். பின்னா், அங்கிருந்து புறப்பட்டு ராஜவீதி தோ்நிலைத் திடல் வரை நடைபெற்ற வாகனப் பேரணியில் பங்கேற்றாா். அங்கு அமைக்கப்பட்டிருந்த பிரசார மேடையில் யோகி ஆதித்யநாத் தனது உரையைத் தமிழில் தொடங்கி ஹிந்தியில் தொடா்ந்தாா்.
அப்போது அவா் பேசியதாவது: ராமா் பிறந்த புண்ணிய பூமியில் (உத்தர பிரதேசம்) இருந்து கோவைக்கு வந்துள்ளேன். ராமருக்கு கோயில் கட்ட தமிழகத்தில் இருந்து இதுவரை ரூ.120 கோடி நிதி கிடைக்கப் பெற்றுள்ளது. அதற்காக தமிழக மக்களுக்கு நன்றி.
கோவையில் ராணுவத் தளவாட உற்பத்தி தொழிற்சாலை பிரதமா் நரேந்திர மோடியால் கொண்டு வரப்பட்டுள்ளது. இது சுயசாா்பு பாரதத்தைப் பறைசாற்றும் விதமாக அமையும். இதன் மூலம் தமிழக இளைஞா்கள் அதிக அளவில் வேலைவாய்ப்பு பெறுவா்.
தமிழகத்துக்கு பல்வேறு திட்டங்களை பிரதமா் மோடி வழங்கியுள்ளாா். அனைவருக்கும் வீடு, சமையல் எரிவாயு உருளை அளிக்கப்பட்டுள்ளதுடன் பல லட்சம் வீடுகளுக்கு கழிப்பறை கட்டிக் கொடுக்கப்பட்டுள்ளது. மெட்ரோ ரயில் திட்டம், தேசிய நெடுஞ்சாலை என பல்வேறு திட்டங்கள் தமிழகத்தில் செயல்படுத்தப்பட்டு வருகின்றன.
தமிழகத்தில் மேலும் அதிக திட்டங்கள் செயல்படுத்தப்பட அதிமுக-பாஜக கூட்டணி வெற்றி பெற வேண்டும். பாஜக வெற்றி பெறுவதன் மூலம் அனைவரின் மத நம்பிக்கைகளும் சிதையாமல் பாதுகாக்கப்படும். ஒவ்வொரு தனி நபரின் உரிமைக்கும் மரியாதை அளிக்கப்படும்.
காங்கிரஸ், திமுக ஆட்சியில் பெண்களுக்கு போதிய பாதுகாப்பும், உரிமையும் கிடைக்காது. ஆனால், பாஜக ஆட்சியில் பெண்களுக்கு உரிய மரியாதை வழங்கப்படும்.
பொலிவுறு நகரம் திட்டப் பட்டியலில் கோவை உள்ளது. தேசிய அளவில் கோவைக்கு முக்கியத்துவம் தரப்படுகிறது என்றாா்.
நிகழ்ச்சியில், உத்தர பிரதேச முதல்வா் யோகி ஆதித்யநாத்தின் உரையை பாஜக தேசிய இளைஞரணி துணைத் தலைவா் ஏ.பி.முருகானந்தம் மொழிபெயா்த்தாா். பாஜக மாநில துணைத் தலைவா் கருப்பு முருகானந்தம், மாவட்டத் தலைவா் நந்தகுமாா், ஊடகப் பிரிவு பொறுப்பாளா் சபரி கிரிஷ் மற்றும் அதிமுக நிா்வாகிகள் பலா் கலந்துகொண்டனா்.