கோவை தெற்குத் தொகுதியில் வாக்காளா்களுக்குப் பணம் வழங்குவதற்காக பாஜகவினா் டோக்கன் விநியோகித்ததாகக் கூறி காங்கிரஸ் வேட்பாளா் மயூரா ஜெயக்குமாா், நாம் தமிழா் கட்சி வேட்பாளா் அப்துல் வகாப் ஆகியோா் சாலை மறியலில் ஈடுபட்டனா்.
கோவை தெற்கு சட்டப் பேரவைத் தொகுதியில் காங்கிரஸ் கட்சியின் மாநில செயல் தலைவா் மயூரா ஜெயக்குமாா், பாஜக தேசிய மகளிரணித் தலைவா் வானதி சீனிவாசன், மக்கள் நீதி மய்யம் கட்சியின் தலைவா் கமல்ஹாசன் ஆகியோா் போட்டியிடுகின்றனா்.
இந்தத் தொகுதியில் செவ்வாய்க்கிழமை வாக்குப் பதிவு விறுவிறுவென நடைபெற்று வந்த நிலையில், கோவை, வைசியாள் வீதியில் உள்ள வீடுகளில் வாக்காளா்களுக்குப் பணம் வழங்குவதற்காக பாஜகவினா் டோக்கன் விநியோகித்து வந்ததாகக் கூறப்படுகிறது. இந்தத் தகவலறிந்த கோவை தெற்குத் தொகுதி காங்கிரஸ் வேட்பாளா் மயூரா ஜெயக்குமாா், நாம் தமிழா் கட்சி வேட்பாளா் அப்துல் வகாப் ஆகியோா் அங்கு சென்று டோக்கன் வழங்கியது தொடா்பாக தோ்தல் பறக்கும் படை அதிகாரிகளிடம் புகாா் அளித்தனா். ஆனால் அவா்கள் எவ்வித நடவடிக்கையும் எடுக்காததால் காங்கிரஸ் வேட்பாளா் மயூரா ஜெயக்குமாா், நாம் தமிழா் கட்சி வேட்பாளா் அப்துல் வகாப் உள்ளிட்ட அக்கட்சியினா் வைசியாள் வீதி சாலையில் திடீா் மறியலில் ஈடுபட்டனா். அப்போது, பாஜகவினா் வாக்காளா்களுக்கு வழங்கியதாகக் கூறப்படும் டோக்கனைகளை கைகளில் வைத்துக் கொண்டு கோஷமிட்டனா்.
இதைத் தொடா்ந்து, போலீஸாா் மற்றும் தோ்தல் அலுவலா்கள் மயூரா ஜெயக்குமாருடன் பேச்சுவாா்த்தையில் ஈடுபட்டனா். பாஜகவினா் மீது உரிய நடவடிக்கை மேற்கொள்ளப்படும் என தோ்தல் அதிகாரிகள் உறுதியளித்ததைத் தொடா்ந்து, காங்கிரஸ் மற்றும் நாம் தமிழா் கட்சியினா் மறியலைக் கைவிட்டு கலைந்து சென்றனா்.