கோவை அவிநாசி சாலையில் உள்ள பேக்கரியை சூறையாடிய 5 பேரை போலீஸாா் கைது செய்தனா்.
கோவை அவிநாசி சாலையில் டாஸ்மாக் அரசு மதுபானக் கடை செயல்பட்டு வருகிறது. இந்த கடைக்கு வெள்ளிக்கிழமை வந்த 5 போ் மது வாங்கிக் குடித்துள்ளனா். அதன்பிறகு, அருகில் உள்ள பேக்கரிக்கு சென்று குளிா்பானம் வாங்கிக் குடித்துள்ளனா். அதற்கு, பணம் தராமல் தகராறில் ஈடுபட்டுள்ளனா்.
பேக்கரி ஊழியா்கள் பணம் கொடுத்து விட்டுச் செல்லுமாறு கூறியதால், ஆத்திரமடைந்த 5 பேரும் பேக்கரியில் இருந்த பொருள்களை அடித்து உடைத்துள்ளனா். இதைத் தடுக்க சென்ற பேக்கரி கணக்காளரான திருநெல்வேலி மாவட்டம், குப்பனாபுரத்தைச் சோ்ந்த செல்வின்துரை (24), மற்றும் பேக்கரி ஊழியரான கள்ளக்குறிச்சி அருகே விருதாவூரைச் சோ்ந்த மணிகண்டன் (22) ஆகியோரை 5 பேரும் தாக்கியுள்ளனா். இதில், இருவரும் காயமடைந்தனா். இதையடுத்து, 5 பேரும் அங்கிருந்து தப்பியோடினா்.
இது தொடா்பாக, செல்வின்துரை அளித்த புகாரின்பேரில், பீளமேடு போலீஸாா் வழக்குப் பதிவு செய்து செளரிபாளையத்தைச் சோ்ந்த இசக்கிமுத்து (23), கௌதம் (22), அருள்நந்தி (22), தினேஷ் (21), மணி (23) ஆகியோரை கைது செய்தனா்.