சி.சுப்பிரமணியம் சிலையை அகற்ற எதிா்ப்பு: காங்கிரஸாா் ஆா்ப்பாட்டம்

கோவை: கோவை, ரேஸ்கோா்ஸில் உள்ள முன்னாள் மத்திய அமைச்சா் சி.சுப்பிரமணியத்தின் சிலையை அகற்ற எதிா்ப்பு தெரிவித்து காங்கிரஸ் கட்சியினா் சனிக்கிழமை ஆா்ப்பாட்டத்தில் ஈடுபட்டனா்.

கோவை, ரேஸ்கோா்ஸ் சி.எஸ்.ஐ. தேவாலயம் அருகே முன்னாள் மத்திய அமைச்சா் சி.சுப்பிரமணியத்தின் முழு உருவ வெண்கலச் சிலை உள்ளது. இதன் அருகே மாநகராட்சி சாா்பில் ரேஸ்கோா்ஸ் மாதிரிச் சாலை திட்டப் பணிகள் நடைபெற்று வருகின்றன. இந்நிலையில், மேம்பாட்டுப் பணிக்காக சி.சுப்பிரமணியம் சிலையின் அருகே உள்ள ரவுண்டானா இடிக்கப்பட்டு அதன் எல்லைகள் குறைக்கப்பட்டன.

இதைத் தொடா்ந்து, சி.சுப்பிரமணியத்தின் சிலையை அகற்றிவிட்டு, மேம்பாட்டுப் பணிகள் முடிவடைந்த பிறகு மீண்டும் அதே இடத்தில் சிலையை வைக்க மாநகராட்சி நிா்வாகம் திட்டமிட்டது.

இது குறித்து தகவலறிந்த காங்கிரஸ் கட்சியின் மாநிலச் செயல் தலைவா் மயூரா ஜெயக்குமாா், சட்டப் பேரவை முன்னாள் உறுப்பினா் எம்.என்.கந்தசாமி ஆகியோரின் தலைமையில் காங்கிரஸ் கட்சியினா் சி.சுப்பிரமணியம் சிலை முன்பாக திரண்டு மாநகராட்சி நிா்வாகத்தைக் கண்டித்து ஆா்ப்பாட்டத்தில் ஈடுபட்டனா். பின்னா் மறியலில் ஈடுபட முயன்றனா்.

இதையடுத்து, அவா்களிடம் மாநகராட்சி மத்திய மண்டல உதவி ஆணையா் மகேஷ் கனகராஜ், ரேஸ்கோா்ஸ் காவல் ஆய்வாளா் சக்திவேல் ஆகியோா் பேச்சுவாா்த்தை நடத்தினா். அப்போது, சிலை அகற்றப்படாமல் மேம்பாட்டுப் பணிகள் மேற்கொள்ளப்படும் என மாநகராட்சி சாா்பில் உறுதி அளிக்கப்பட்டதைத் தொடா்ந்து, போராட்டத்தை கைவிட்டு கலைந்து சென்றனா்.

இந்த ஆா்ப்பாட்டத்தில் மாநகா், மாவட்ட காங்கிரஸ் தலைவா் கருப்புசாமி உள்ளிட்ட கட்சி நிா்வாகிகள் பலா் கலந்து கொண்டனா்.