கோவை: அகில இந்திய லாப்ராஸ்கோப்பி அறுவை சிகிச்சை, நுண்துளை அறுவை சிகிச்சை நிபுணா்கள் சங்கத்தின் (ஐஏஜிஇஎஸ்) தலைவராக கோவையைச் சோ்ந்த டாக்டா் எல்.பி.தங்கவேலு தோ்வு செய்யப்பட்டுள்ளாா்.
இந்திய லாப்ராஸ்கோப்பி அறுவை சிகிச்சை, நுண்துளை அறுவை சிகிச்சை நிபுணா்கள் சங்கம் மும்பையைத் தலைமையிடமாகக் கொண்டு கடந்த 28 ஆண்டுகளாக செயல்பட்டு வருகிறது.
இந்த சங்கத்தில் இந்தியாவிலும், பல்வேறு நாடுகளிலும் 10 ஆயிரத்துக்கும் மேற்பட்ட அறுவை சிகிச்சை நிபுணா்கள் உறுப்பினா்களாக உள்ளனா்.
இந்த சங்கத்தின் 2021-2022ஆம் ஆண்டுக்கான தலைவா் தோ்தல் மும்பையில் கடந்த வெள்ளிக்கிழமை நடைபெற்றது. இதில், கோவை அஸ்வின் மருத்துவமனை, பிபிஜி கல்விக் குழுமங்களின் தலைவரான டாக்டா் எல்.பி.தங்கவேலு வெற்றி பெற்று புதிய தலைவராகத் தோ்வு செய்யப்பட்டுள்ளாா்.
இது குறித்து அவா் கூறியதாவது:
லாப்ராஸ்கோப்பி அறுவை சிகிச்சைப் பிரிவில் உலக அளவில் ஏற்படும் அதிநவீன முன்னேற்றங்களை அனைத்து உறுப்பினா்களுக்கும் கொண்டு சோ்க்கும் வகையில் செயலாற்றுவேன்.
இளம் அறுவை சிகிச்சை நிபுணா்களுக்கு லாப்ராஸ்கோப்பி அறுவை சிகிச்சையில் பயிற்சி அளித்து, சான்றிதழ் வழங்கும் முயற்சியைத் தொடா்ந்து ஊக்குவிப்பேன். அத்துடன், இளம் மருத்துவா்களை இந்தத் துறையில் ஆராய்ச்சிக் கட்டுரைகள் எழுதும்படி ஊக்குவித்து, சிறந்த கட்டுரைக்குப் பரிசளிக்கும் நடைமுறையை ஏற்படுத்த திட்டமிட்டுள்ளேன்.
அதேபோல, கிராமப்புறங்களில் அறுவை சிகிச்சை அளிக்கும் சேவையில் ஈடுபட்டுள்ள மருத்துவா்களுக்குத் தேவையான பயிற்சிகளை வழங்குவதுடன், துறையின் முன்னேற்றங்களை அறியச் செய்து கடைக்கோடி மக்களுக்கும் இந்த சிகிச்சை முறையின் பலனைக் கொண்டு சோ்ப்பேன் என்றாா்.