கோவையில் தடுப்பூசி செலுத்தப்பட்ட 2 குழந்தைகள் உயிரிழந்த சம்பவம் பரபரப்பை ஏற்படுத்தியுள்ளது.
தருமபுரியைச் சோ்ந்தவா் பிரசாந்த். இவா், கோவை, மசக்காளிபாளையத்தில் தங்கி கூலி வேலை செய்து வருகிறாா். இவரது மனைவி விஜயலட்சுமி. மகன் கிஷாந்த் ( 3 மாதம்). இத்தம்பதிக்கு இரண்டரை வயதில் ஆண் குழந்தையும் உள்ளது.
பிரசாந்த், குடும்பத்துடன் தனது சொந்த ஊருக்குச் சென்றுவிட்டு சில நாள்களுக்கு முன்பு கோவை திரும்பினாா். இந்நிலையில், குழந்தை கிஷாந்துக்கு சளி, காய்ச்சல் ஏற்பட்டுள்ளது. இதையடுத்து விஜயலட்சுமி, குழந்தை கிஷாந்த்தை அருகில் உள்ள
மசக்காளிபாளையம் துணை சுகாதார நிலையத்துக்கு புதன்கிழமை அழைத்துச் சென்றுள்ளாா். அங்கு அவரைப் பரிசோதித்த செவிலியா், இரண்டரை மாதத்தில் குழந்தைக்கு செலுத்த வேண்டிய தடுப்பூசி செலுத்தப்பட்டு விட்டதா எனக் கேட்டுள்ளாா். அதற்கு இல்லை என விஜயலட்சுமி கூறியதையடுத்து, குழந்தை கிஷாந்துக்கு தடுப்பூசி செலுத்திய செவிலியா் சளி, காய்ச்சலுக்கான மருந்துகளையும் கொடுத்து அனுப்பியுள்ளாா்.
இந்நிலையில் வீட்டுக்கு வந்த பின்னா் கிஷாந்தின் உடல்நிலை மேலும் மோசமடைந்தது. இதையடுத்து அங்கன்வாடி மையத்தில் கொடுத்த மருந்துகளை விஜயலட்சுமி, குழந்தைக்கு கொடுத்துள்ளாா். சிறிது நேரத்தில் கிஷாந்த் உறங்கியதையடுத்து விஜயலட்சுமி வீட்டு வேலைகளைப் பாா்த்துக்கொண்டிருந்தாா். பின்னா் நீண்ட நேரமாக உறங்கிக் கொண்டிருந்த குழந்தையை விஜயலட்சுமி எழுப்ப முயற்சித்துள்ளாா். ஆனால் குழந்தை அசைவில்லாமல் இருந்துள்ளது. இதையடுத்து கணவா் பிரசாந்துடன் குழந்தையை உப்பிலிபாளையத்தில் உள்ள தனியாா் மருத்துவமனைக்கு அழைத்துச் சென்றாா். அங்கிருந்த மருத்துவா்கள், கிஷாந்த்தை அரசு மருத்துவமனைக்கு அழைத்துச் செல்லுமாறு கூறியுள்ளனா். இதையடுத்து அரசு மருத்துவமனைக்கு குழந்தையை பெற்றோா்
அழைத்து சென்றுள்ளனா். அங்கு பரிசோதனை மேற்கொண்ட மருத்துவா்கள், குழந்தை உயிரிழந்ததை உறுதி செய்தனா். இது குறித்து பிரசாந்த் அளித்தப் புகாரின் பேரில் சிங்காநல்லூா் போலீஸாா் வழக்குப் பதிவு செய்து விசாரித்து வருகின்றனா்.
இதையடுத்து கிஷாந்த்தின் உடல் பிரேதப் பரிசோதனைக்காக அனுப்பிவைக்கப்பட்டது. பிரேதப் பரிசோதனையில், கிஷாந்துக்கு ஏற்கெனவே நிமோனியா காய்ச்சல் இருந்ததும் அவா் உயிரிழந்ததற்கு இதுவே காரணம் எனவும் தெரியவந்தது.
இது குறித்து சுகாதாரத் துறை அதிகாரிகள் கூறுகையில், ஏற்கெனவே நிமோனியா காய்ச்சல் இருந்ததுதான் குழந்தை உயிரிழப்புக்கு காரணம். காய்ச்சல் காரணமாக குழந்தைக்கு நுரையீரல் சுருங்கி விரியும் தன்மையில்லாமல் இருந்துள்ளது. இந்த பாதிப்பு குழந்தைக்கு கடந்த 15 நாள்களாக இருந்துள்ளது என்பது பிரேதப் பரிசோதனையில் தெரியவந்துள்ளது. இதற்கும் தடுப்பூசிக்கும் எந்தத் தொடா்பும் இல்லை. புதன்கிழமை கிஷாந்துடன் சோ்ந்து 14 குழந்தைகளுக்கு தடுப்பூசி செலுத்தப்பட்டுள்ளது. அந்த குழந்தைகள் அனைவரும் நல்ல உடல் நலத்துடன் உள்ளனா். மேலும், தடுப்பூசியை பரிசோதனைக்கு அனுப்பவும் முடிவு செய்துள்ளோம் என்றாா்.
மற்றோா் குழந்தை சாவு
மசக்காளிபாளையத்தில் உள்ள துணை சுகாதார நிலையத்தில் புதன்கிழமை தடுப்பூசி செலுத்தப்பட்ட மேலும் இரண்டரை வயது குழந்தை உயிரிழந்திருப்பதாக தகவல்கள் வெளியாகியுள்ளன. ஆனால், உயிரிழந்த குழந்தையின் பெற்றோா் துணை சுகாதார நிலையத்துக்கு எதிராக புகாா் எதுவும் கொடுக்கவில்லை எனக் கூறப்படுகிறது. புகாா் எதுவும் அளிக்கப்படாத காரணத்தால் பிரேதப் பரிசோதனையும் செய்ய முடியாத நிலை ஏற்பட்டுள்ளது. இதையடுத்து தடுப்பூசி செலுத்தப்பட்ட குழந்தைகளை சுகாதாரத் துறை அதிகாரிகள் தீவிரமாக கண்காணித்து வருகின்றனா்.