கோவை: தமிழகத்தில் சட்டப் பேரவைத் தோ்தலுக்குப் பிறகு எதிா்க்கட்சி என்ற தகுதியையும் திமுக இழக்கும் என்று முதல்வா் எடப்பாடி கே.பழனிசாமி பேசினாா்.
தோ்தல் பிரசாரத்துக்காக கோவைக்கு வந்துள்ள முதல்வா் எடப்பாடி பழனிசாமி, சனிக்கிழமை காலை கோனியம்மன் கோயிலில் சுவாமி தரிசனம் செய்தாா். பின்னா் ராஜ வீதி, செல்வபுரம், குனியமுத்தூா், கரும்புக்கடை பகுதிகளில் திரண்டிருந்த பொதுமக்களிடையே அவா் உரையாற்றினாா். அப்போது முதல்வா் பேசியதாவது:
திமுகவினா் நடத்தும் மக்கள் கிராம சபைக் கூட்டங்கள் உண்மையான கிராம சபைகள் இல்லை. அவை வெறும் குறை சொல்லும் கூட்டங்கள்தான். கடந்த மக்களவைத் தோ்தலின்போது திமுகவினா் இதேபோன்ற நாடகத்தை நடத்தி, மக்களைக் குழப்பி வெற்றி பெற்றுவிட்டனா். ஆனால் இப்போது அப்படி ஏமாற்ற முடியாது. மீண்டும் அதிமுக ஆட்சிதான் வர வேண்டும் என்பதில் மக்கள் தெளிவாக உள்ளனா்.
ஜெயலலிதா இறந்த பிறகு கட்சியை உடைக்கவும், ஆட்சியைக் கவிழ்க்கவும் திமுகவினா் முயற்சி மேற்கொண்டனா். ஆனால் அவை அனைத்தையும் தொண்டா்கள், நிா்வாகிகள், பொதுமக்களின் துணையுடன் முறியடித்துள்ளோம். எனது ஆட்சி ஒரு மாதத்தில் கவிழும், 6 மாதம் கூட நீடிக்காது என்று திமுக தலைவா் ஸ்டாலின் கூறி வந்தாா். ஆனால் தற்போது ஆட்சி நான்காம் ஆண்டை நெருங்கிக் கொண்டிருக்கிறது.
சட்டம் - ஒழுங்கைப் பாதுகாப்பதில் நாட்டின் முதல் மாநிலமாக தமிழகம் உள்ளது. இங்கு ஜாதிச் சண்டை, மதக் கலவரங்கள் வந்ததில்லை. வரவும் விடமாட்டோம். இங்கு அனைத்து சமுதாயத்தினரும் அமைதியாக வாழ்கின்றனா்.
இங்கு கட்டப்பஞ்சாயத்து, நில அபகரிப்பு இல்லை. வியாபாரிகள், தொழில்முனைவோா் நிம்மதியாக பணிகளைச் செய்து வருகின்றனா். மீண்டும் திமுக ஆட்சி ஏற்பட்டால் இந்த நிலை மாறிவிடும். எனவே மக்கள் முன்னெச்சரிக்கையாக இருக்க வேண்டும். அதிமுக ஆட்சியில் ஊழல் நடைபெறுகிறது என்று ஸ்டாலின் குற்றஞ்சாட்டுகிறாா். ஆளுநரிடம் மனு அளித்திருக்கிறாா்.
ஆனால் நாட்டிலேயே ஊழலுக்காக கலைக்கப்பட்ட ஒரே ஆட்சி திமுகவின் ஆட்சிதான். எனவே ஊழலைப் பற்றிப் பேச திமுகவுக்குத் தகுதி இல்லை. திமுகவைச் சோ்ந்த 13 முன்னாள் அமைச்சா்கள் மீது ஊழல் வழக்கு நீதிமன்றத்தில் நடைபெற்று வருகிறது. இதை மறைப்பதற்காகவே அதிமுக அமைச்சா்கள் குறித்து பொய்யான அறிக்கையை ஆளுநரிடம் கொடுத்திருக்கின்றனா். எங்களைப் பொருத்தவரை மடியில் கனமில்லை என்பதால் வழியில் பயமில்லை.
மக்களவைத் தோ்தலில் வெற்றி பெற்ற திமுக, தமிழகத்துக்கு எந்த நன்மையையும் செய்யவில்லை. தேவையான நிதியைப் பெறவும், புதிய தொழிற்சாலைகள் அமைவதற்கும் குரல் கொடுக்கவில்லை. தற்போது எதிா்க்கட்சியாக இருக்கும் திமுக தோ்தலுக்குப் பிறகு அந்தத் தகுதியையும் இழந்துவிடும்.
கோவையில் நடைபெற்ற மக்கள் கிராம சபையில் கேள்வி கேட்ட பெண்ணை திமுகவினா் தாக்கினா். ரயிலில் பயணம் செய்த கா்ப்பிணி பெண்ணிடம் திமுக நிா்வாகிகள் தகாத முறையில் நடந்து கொண்டனா். பெரம்பலூரில் அழகு நிலையத்தில் ஒரு பெண்ணை திமுக முன்னாள் கவுன்சிலா் கடுமையாகத் தாக்கினாா். உணவகத்தில் சாப்பிட்டுவிட்டு பணம் கொடுக்காமல் உரிமையாளரை திமுகவினா் தாக்கினா். ஆட்சியில் இல்லாதபோதே அராஜகம் செய்பவா்கள் ஆட்சிக்கு வந்துவிட்டால் என்ன நடக்கும் என்பதை மக்கள் சிந்தித்துப் பாா்க்க வேண்டும்.
நான் எந்தப் பின்னணியும் இல்லாமல் கிளைச் செயலாளராக இருந்து படிப்படியாக முன்னேறி முதல்வா் பதவிக்கு வந்திருக்கிறேன். ஆனால் ஸ்டாலின் தனது தந்தையின் செல்வாக்கினால் அரசியலுக்கு வந்திருக்கிறாா். நாங்கள் உழைப்பை மூலதனமாகக் கொண்டிருக்கிறோம். அவா் குறுக்கு வழியை மூலதனமாகக் கொண்டு ஆட்சியைப் பிடிக்கப் பாா்க்கிறாா். வாரிசு அரசியலுக்கு இந்தத் தோ்தலில் முற்றுப்புள்ளி வைக்க வேண்டும்.
‘நீட்’ தோ்வை அதிமுக தொடா்ந்து எதிா்க்கிறது. ஆனால் அதை நீதிமன்றம் மூலம் தடுக்க முடியாததாலும், அந்தத் தோ்வால் அரசுப் பள்ளி மாணவா்கள் பாதிக்கப்படுவதை கணக்கில் கொண்டும்தான் அரசுப் பள்ளி மாணவா்களுக்கு 7.5 சதவீதம் உள் இடஒதுக்கீடு வழங்கப்பட்டுள்ளது.
இதனால் தற்போது 313 அரசுப் பள்ளி மாணவா்கள் எம்.பி.பி.எஸ். இடத்தையும், 92 போ் பி.டி.எஸ். இடத்தையும் பெற்றுள்ளனா். அடுத்த ஆண்டு கூடுதல் மருத்துவக் கல்லூரிகள் வரவிருப்பதால் 443 மாணவா்களுக்கு எம்.பி.பி.எஸ். இடமும், 105 மாணவா்களுக்கு பி.டி.எஸ். இடமும் கிடைக்கும் என்றாா் அவா்.