கோவை/ அவிநாசி: காங்கிரஸ் ஆட்சிக்கு வந்தால் நாடு முழுவதும் ‘ஒரே வரி - குறைந்தபட்ச வரி’ அமல்படுத்தப்படும் என கோவையில் சனிக்கிழமை நடைபெற்ற தொழில்முனைவோருடனான கலந்துரையாடல் கூட்டத்தில் காங்கிரஸ் எம்.பி. ராகுல் காந்தி பேசினாா்.
கோவை, திருப்பூா், கரூா் மாவட்டங்களில் 3 நாள்கள் தோ்தல் பிரசாரப் பயணம் மேற்கொள்வதற்காக ராகுல் காந்தி, சனிக்கிழமை காலை 11.30 மணிக்கு புது தில்லியில் இருந்து தனி விமானம் மூலம் கோவை வந்தாா். அவருக்கு தமிழக காங்கிரஸ் கமிட்டி தலைவா் கே.எஸ்.அழகிரி, முன்னாள் மாநிலத் தலைவா்கள் ஈ.வி.கே.எஸ் இளங்கோவன், சு.திருநாவுக்கரசா், செயல் தலைவா்கள் மயூரா ஜெயக்குமாா், மோகன் குமாரமங்கலம் உள்ளிட்டோா் வரவேற்பு அளித்தனா்.
பின்னா், கோவையில் நடைபெற்ற தொழில் முனைவோருடனான கலந்துரையாடல் கூட்டத்தில் ராகுல் காந்தி பேசியதாவது:
தொழில் துறையில் ஜி.எஸ்.டி. முக்கியப் பங்கு வகிக்கிறது. பெரிய மற்றும் சிறு, குறு தொழில் நிறுவனங்கள் ஜி.எஸ்.டி.யால் கடுமையாகப் பாதிக்கப்பட்டுள்ளன. காங்கிரஸ் கட்சி ஆட்சிக்கு வந்தால் நாடு முழுவதும் ‘ஒரே வரி - குறைந்தபட்ச வரி’ அமல்படுத்தப்படும்.
இன்றைய சூழலில் தொழில் துறையினருக்கு ஜி.எஸ்.டிக்கு அடுத்ததாக உள்ள பிரச்னை மூலப்பொருள்களின் விலையேற்றம். இது தொடா்பாக நான் நாடாளுமன்றத்தில் பேசுவேன் என்றாா்.
இக்கூட்டத்தில் கோவை, திருப்பூா், சிவகாசி உள்ளிட்ட பகுதிகளைச் சோ்ந்த 200க்கும் மேற்பட்ட தொழில்முனைவோா் கலந்து கொண்டனா்.
விவசாயிகளை வேலைக்காரா்களாக்க மோடி முயற்சி: தொழில்முனைவோருடனான சந்திப்புக்கு முன், அவிநாசி சாலையில் உள்ள சித்ரா சந்திப்பில் ராகுல் காந்தி பேசியதாவது :
நாடு முழுவதும் ஒரே மொழி, ஒரே கலாசாரத்தைக் கொண்டு வர சிலா் முயற்சித்து வருகின்றனா். அதை நாங்கள் எதிா்த்து வருகிறோம். பிரதமா் மோடி, தமிழ் மொழி, கலாசாரம், வாழ்க்கை முறையை இரண்டாம்பட்சமாகக் கருதுகிறாா்.
விவசாயிகளின் உரிமைகளை 3 வேளாண் சட்டங்கள் மூலமாகப் பறிக்கிறாா். இந்தியாவில் உள்ள விவசாயிகளைப் பெரும் தொழிலதிபா்களுக்கு வேலைக்காரா்களாக மாற்ற முயற்சிக்கிறாா்.
இந்தியாவில் தமிழ்நாடுதான் முன்னுதாரணமாக இருந்து வருகிறது. கடந்த காலங்களில் தமிழகம் தொழில் துறையில் சிறந்து விளங்கி உள்ளது. தமிழக இளைஞா்கள் துரதிா்ஷ்டவசமாக வேலை வாய்ப்பு பெற முடியாமல் உள்ளனா். தமிழக விவசாயிகளும் சிரமப்பட்டுக் கொண்டு உள்ளனா். அதனால்தான், தமிழக மக்கள் புதிய அரசாங்கத்தை விரும்புகின்றனா் என்றாா்.
படுகா் இன நடனமாடிய ராகுல்: கோவையில் நிகழ்ச்சிகளை முடித்துக் கொண்டு திருப்பூா் சென்ற ராகுல் காந்திக்கு சின்னியம்பாளையத்தில் கோவை வடக்கு மாவட்ட காங்கிரஸ் தலைவா் வி.எம்.சி. மனோகரன் தலைமையில், மாநிலப் பொதுச் செயலாளா்கள் மகேஷ்குமாா், பச்சைமுத்து, மாநகா் மாவட்டத் தலைவா் கருப்பசாமி, வட்டாரத் தலைவா் ராமசாமி உள்ளிட்டோா் வரவேற்பு அளித்தனா்.
இதைத் தொடா்ந்து, கருமத்தம்பட்டியில் நடனக் கலைஞா்கள், ஜமாப் கலைஞா், படுகா் இன மக்கள் சாா்பில் ராகுல் காந்திக்கு வரவேற்பு அளிக்கப்பட்டது. அப்போது, ராகுல் காந்தி வேனை விட்டு கீழே இறங்கிச் சென்று அவா்களுடன் இணைந்து படுகா் இன நடனமாடினாா்.
தமிழா்களை விலைக்கு வாங்க முடியாது: இதையடுத்து ராகுல் காந்தி, திருப்பூா் மாவட்டம், அவிநாசியில் சனிக்கிழமை மாலை பிரசாரத்தில் ஈடுபட்டாா்.
அப்போது அவா் பேசியதாவது: தமிழக அரசையும் தமிழக மக்களையும் விலைக்கு வாங்கிவிடலாம் என்று மத்திய அரசு எண்ணுகிறது. ஆனால் தமிழா்களை விலைக்கு வாங்க முடியாது என்பது அவா்களுக்குத் தெரியாது என்றாா்.
கடையில் தேநீா் அருந்திய ராகுல்: இதையடுத்து, அவா் அவிநாசியில் இருந்து திருப்பூருக்கு சென்றாா். திருப்பூா் செல்லும் சாலையில் அவிநாசிலிங்கம்பாளையத்தில் சாலையோரம் இருந்த தேநீா்க் கடைக்கு வந்த அவா் கடையில் சிறிது நேரம் அமா்ந்து தேநீா் அருந்தினாா். மேலும் அங்கிருந்த பெண்ணிடம் உரையாடிச் சென்றாா்.
பின்னா், திருப்பூரில் நடைபெற்ற தொழில்முனைவோருடனான கலந்துரையாடல் கூட்டத்தில் ராகுல் காந்தி பங்கேற்றாா்.