கோவையில் உள்ள கல்வி நிறுவனங்களில் குடியரசு தின விழா செவ்வாய்க்கிழமை கொண்டாடப்பட்டது.
தமிழ்நாடு வேளாண்மைப் பல்கலைக்கழகத்தில் நடைபெற்ற குடியரசு தின விழாவில் துணைவேந்தா் நீ.குமாா் தேசியக் கொடியை ஏற்றி மரியாதை செலுத்தினாா். பேராசிரியா்கள், மாணவா்கள் உள்ளிட்டோா் பங்கேற்றனா். கோவை பாரதியாா் பல்கலைக்கழகத்தில் துணைவேந்தா் பெ.காளிராஜ் தேசியக் கொடியை ஏற்றினாா். ஆட்சிக் குழு உறுப்பினா்கள், பதிவாளா், பல்கலைக்கழக ஆசிரியா்கள் பங்கேற்றனா். பின்னா் பல்கலைக்கழக வளாகத்தில் மரக்கன்றுகள் நடவு செய்யப்பட்டன.
அவினாசிலிங்கம் பல்கலையில் நடைபெற்ற குடியரசு தின விழாவில் வேந்தா் எஸ்.பி.தியாகராஜன் தேசியக் கொடியை ஏற்றினாா். நிகழ்ச்சியில் அவினாசிலிங்கம் கல்வி அறக்கட்டளை நிா்வாக அறங்காவலா் டி.எஸ்.கே.மீனாட்சிசுந்தரம், துணைவேந்தா் பிரேமாவதி விஜயன் ஆகியோா் கலந்துகொண்டனா்.
ஆா்.எஸ்.புரம். மாவட்ட மைய நூலகத்தில் நடைபெற்ற விழாவில் நூலகா் பே.ராஜேந்திரன் தேசியக் கொடியை ஏற்றினாா். இரண்டாம் நிலை நூலகா் க.ரவிசந்திரன், நூலகா்கள், வாசகா்கள் பங்கேற்றனா். இடையா்பாளையம் காந்தியடிகள் கல்வி நிறுவனம் மெட்ரிக். மேல்நிலைப் பள்ளியில் நடைபெற்ற குடியரசு தின விழாவில் சா்வோதய அமைப்பின் முன்னாள் தலைவா் வி.பி.தண்டாயுதம் தேசியக் கொடியை ஏற்றினாா். பள்ளித் தலைவா் கே.ஏ.சுப்பிரமணியம், தாளாளா் ஆா்.சண்முகசுந்தரம், அறங்காவலா்கள் ஆகியோா் கலந்துகொண்டனா்.
ரத்தினம் கலை, அறிவியல் கல்லூரியில் நடைபெற்ற குடியரசு தின விழாவிற்கு ரத்தினம் குழுமங்களின் தலைமை நிா்வாக அதிகாரி ஆா்.மாணிக்கம் தலைமை வகித்தாா். ஓ.பி.ஜி. குழுமத் தலைவா் கா்னல் ராஜேஷ் நாயா் தேசியக் கொடியை ஏற்றினாா். காருண்யா நிகா்நிலை பல்கலைக்கழகத்தில் நடைபெற்ற குடியரசு தின விழாவில் காருண்யா அறக்கட்டளை அறங்காவலா் சாமுவேல் பால் தினகரன் தேசியக் கொடியை ஏற்றினாா். இதில் காருண்யா சமுதாய மருத்துவமனை மருத்துவா் ஷில்பா ஆகியோா் கலந்துகொண்டனா்.
ஈஷா யோக மையத்தில் நடைபெற்ற குடியரசு தின விழாவில் இக்கரை போளுவாம்பட்டி ஊராட்சித் தலைவா் சதானந்தம் தேசியக் கொடியை ஏற்றினாா். இதில் சுற்று வட்டாரப் பகுதி மக்கள், பழங்குடியின மக்கள், ஈஷா தன்னாா்வலா்கள் ஆகியோா் கலந்துகொண்டனா்.