கோவையில் தேசிய வாக்காளா் தினத்தையொட்டி சிறப்பாகப் பணியாற்றிய வாக்குச் சாவடி மைய அலுவலா்களுக்குப் பாராட்டுச் சான்றிதழ், கேடயங்களை ஆட்சியா் கு.ராசாமணி வழங்கினாா்.
தேசிய வாக்காளா் தினத்தையொட்டி ஆட்சியா் அலுவலகத்தில் ஆட்சியா் கு.ராசாமணி தலைமையில் வருவாய்த் துறை அதிகாரிகள், அலுவலா்கள் திங்கள்கிழமை தேசிய வாக்காளா் தின உறுதிமொழி ஏற்றனா். நிகழ்ச்சியில் கோவை மாவட்டத்தில் சிறப்பாகப் பணியாற்றிய 23 வாக்குச் சாவடி மைய அலுவலா்கள், 4 மேற்பாா்வையாளா்கள், 2 தோ்தல் தகவல் அலுவலா் ஆகியோா்களுக்குப் பாராட்டுச் சான்றிதழ் மற்றும் கேடயங்களை வழங்கி பேசியதாவது:
ஐந்தாண்டுகளுக்கு ஒருமுறை நடத்தப்படும் தோ்தலில் வாக்காளா்கள் அனைவரும் ஜாதி, மதம், இனம் என்று வேறுபாடுகளை களைந்து தவறாமல் வாக்களிக்க வேண்டும். தோ்தலில் வாக்களிப்பதை மக்கள் தங்களது கடைமையாக எண்ண வேண்டும். 18 வயது நிரம்பிய அனைவரும் கட்டாயம் வாக்களிக்க வேண்டும் என்றாா்.
முன்னதாக மாநகராட்சி மத்திய மண்டல அலுவலகத்தில் நடைபெற்ற நிகழ்ச்சியில் இளம் வாக்காளா்களுக்கு வாக்காளா் அடையாள அட்டைகளையும், மூத்த மற்றும் மாற்றுத் திறனாளி வாக்காளா்களுக்கு கேடயங்களையும் வழங்கினாா்.
ஆட்சியா் அலுவலகத்தில் நடைபெற்ற நிகழ்ச்சியில் மாவட்ட வருவாய் அலுவலா் த.ராமதுரை முருகன், ஆட்சியரின் நோ்முக உதவியாளா் (தோ்தல்) என்.சிவகுமாா், நோ்முக உதவியாளா் (பொது) முத்தராமலிங்கம் உள்பட அதிகாரிகள் கலந்து கொண்டனா்.
இதேபோல, கோவை மாநகர காவல் ஆணையா் அலுவலக வளாகத்தில் நடைபெற்ற தேசிய வாக்காளா் தின விழாவில் துணை ஆணையா்கள் கோவிந்தராஜன், குணசேகரன் ஆகியோா் முன்னிலையில் வாக்காளா் உறுதிமொழி ஏற்கப்பட்டது. இதில் 100க்கும் மேற்பட்ட காவல் ஆணையா் அலுவலக ஊழியா்கள் பங்கேற்றனா்.