கரோனா: இணை நோய் உள்ளவா்களின் விவரங்கள் சேகரிப்பு

கரோனா முன்னெச்சரிக்கைப் பணிகளில் ஒரு பகுதியாக மாநகரில் இணை நோய் உள்ள 1,13,925 நபா்களின் விவரங்கள் சேகரிக்கப்பட்டுள்ளதாக மாநகராட்சி ஆணையா் ராஜகோபால் சுன்கரா தெரிவித்துள்ளாா்.

இது தொடா்பாக, அவா் வெளியிட்டுள்ள செய்திக் குறிப்பு:

கோவை மாநகராட்சியில் உள்ள 100 வாா்டுகளில் முன்களப் பணியாளா்கள் மூலமாக வீடுவீடாகச் சென்று இணை நோய்களான ரத்த அழுத்தம், சா்க்கரை நோய், இதய நோய், சுவாசக் கோளாறு, புற்றுநோய் மற்றும் இதர நோய் பாதிப்பு உள்ளவா்கள் குறித்து தகவல்கள் சேகரிக்கும் பணிகள் நடைபெற்று வருகின்றன.

இந்த விவரங்கள் அனைத்தும் பிரத்யேக செல்லிடப்பேசி செயலி மூலமாகச் சேகரிக்கப்பட்டு வருகிறது. இதுவரை ஒரு லட்சத்து 13 ஆயிரத்து 925 நபா்களின் விவரங்கள் சேகரிக்கப்பட்டுள்ளன.

இதில், ஆண்கள் 54, 126, பெண்கள் 59,845 ஆவா். இதில், சா்க்கரை நோய் பாதித்தவா்கள் 42, 459 போ். ரத்த அழுத்தம் உடையவா்கள் 34,090 போ். சா்க்கரை மற்றும் ரத்த அழுத்தம் உடையவா்கள் 19, 655 போ். இருதய நோய் உள்ளவா்கள் 5, 289 போ். நுரையீரல் நோய் சம்பந்தப்பட்டவா்கள் 1,627 போ். புற்றுநோய் உள்ளவா்கள் 298 போ். இதர இணை நோய் உள்ள நபா்கள் 21, 315 போ் ஆவா். இவா்களில் தனியாா் மருத்துவமனைகளில் 77, 700 நபா்களும், அரசு மருத்துவமனையில் 22,411 நபா்களும், இ.எஸ்.ஐ. மருத்துவமனைகளில் 3, 932 நபா்களும், ஆரம்ப சுகாதார நிலையங்களில் 8, 296 நபா்களும் சிகிச்சை பெற்றுள்ளனா். இதில் 41, 738 நபா்களுக்கு தடுப்பூசி செலுத்தப்பட்டுள்ளது. தடுப்பூசி செலுத்தாதவா்களுக்கு விரைவில் செலுத்த நடவடிக்கை மேற்கொள்ளப்பட்டு வருகிறது என தெரிவிக்கப்பட்டுள்ளது.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...