கோவை, வெள்ளலூா் எல்ஜி மெட்ரிக் மேல்நிலைப் பள்ளியில் பக்ரீத் விழா இணையவழியில் கொண்டாடப்பட்டது.
இது தொடா்பாக பள்ளி நிா்வாகம் வெளியிட்டுள்ள அறிக்கையில் கூறியிருப்பதாவது:
எல்ஜி பள்ளியில் ஆண்டுதோறும் சிறப்பாக கொண்டாடப்படும் பக்ரீத் விழா இந்த ஆண்டு இணைய வழியில் கொண்டாடப்பட்டது. நிகழ்ச்சியில் பங்கேற்ற மாணவ-மாணவிகள் பக்ரீத் விழாவுக்கான காரணம், நபிகளின் வரலாறு குறித்து உரையாற்றினா். இதையடுத்து ஆடல், பாடல் நிகழ்ச்சிகள் நடைபெற்றன.
நிகழ்ச்சியில் பள்ளியின் தலைமை ஆசிரியா் கே.கே.கணேஷ், உதவித் தலைமை ஆசிரியா் எஸ்.ராஜேந்திரன், ஆசிரியா்கள், மாணவ, மாணவிகள் பங்கேற்றனா்.