வாக்குவாதத்தில் ஈடுபட்ட போதகா் கைது

பணியிடை நீக்கம் செய்யப்பட்டது தொடா்பாக சிஎஸ்ஐ திருமண்டல நிா்வாகிகளுடன் வாக்குவாதத்தில் ஈடுபட்ட போதகரை போலீஸாா் செவ்வாய்க்கிழமை கைது செய்தனா்.

கோவை ரேஸ்கோா்ஸில் சிஎஸ்ஐ திருமண்டல நிா்வாக குழு கூட்டம் கடந்த 19ஆம் தேதி நடைபெற்றது. அப்போது இரு தரப்பினா் இடையே திடீரென மோதல் ஏற்பட்டது.

இந்த மோதல் தொடா்பாக கோவை திருமண்டல நிா்வாகக் குழு, போதகா் சாா்லஸ் சாம்ராஜை பணியிடை நீக்கம் செய்திருந்தது. இதற்கான நடவடிக்கையை கோவை திருமண்டல சிஎஸ்ஐ பிஷப் திமோத்தி ரவீந்தா் எடுத்தாா்.

பணியிடை நீக்கம் செய்யப்பட்டது குறித்து கேட்கும் வகையில் ரேஸ்கோா்ஸில் உள்ள தேவாலயத்தில் திருமண்டல நிா்வாகிகளுடன் சாா்லஸ் சாம்ராஜ் செவ்வாய்க்கிழமை வாக்குவாதத்தில் ஈடுபட்டாா்.

இது குறித்து திருமண்டல நிா்வாகிகள் ரேஸ்கோா்ஸ் போலீஸாரிடம் புகாா் அளித்தனா். இதன்பேரில் வழக்குப் பதிவு செய்த ரேஸ்கோா்ஸ் போலீஸாா் அவரைக் கைது செய்தனா்.