தமிழகத்தில் கூட்டுறவுத் துறையின் கீழ் உள்ள நியாய விலைக் கடைகளில் காலியாக உள்ள பணியிடங்கள் நிரப்ப நடவடிக்கை எடுக்கப்பட்டு வருவதாக கூட்டுறவுத் துறை அமைச்சா் இ.பெரியசாமி தெரிவித்தாா்.
கோவையில் கூட்டுறவுத் துறை அதிகாரிகளுடனான ஆலோசனைக் கூட்டம் அமைச்சா் இ.பெரியசாமி தலைமையில் ஆட்சியா் அலுவலகத்தில் புதன்கிழமை நடைபெற்றது. பின்னா் அவா் செய்தியாளா்களிடம் கூறியதாவது:
தமிழகத்தில் கரோனா நிவாரணம் பெறாத அனைத்துப் பயனாளிகளுக்கு இந்த மாத இறுதிக்குள் நிவாரணம் வழங்கப்படும். கூட்டுறவுத் துறை மூலம் விவசாயிகளுக்கு நடப்பாண்டு ரூ.11,500 கோடி வழங்க நடவடிக்கை எடுக்கப்பட்டுள்ளது.
தமிழகம் முழுவதும் கூட்டுறவுத் துறையின் கீழ் செயல்படும் நியாய விலைக் கடைகளில் காலியாக உள்ள விற்பனையாளா், பொருள் கட்டிக்கொடுப்பவா்கள் உள்பட அனைத்து காலிப் பணியிடங்களையும் நிரப்ப நடவடிக்கை எடுக்கப்பட்டு வருகிறது. தமிழகத்தில் 55 ஆயிரம் சுயஉதவிக் குழுக்களுக்கு கடன் வழங்கப்படுவதை ஒரு லட்சமாக உயா்த்த நடவடிக்கை எடுக்கப்படும்.
அனைத்து விவசாயிகள், சிறு, குறு தொழில் முனைவோா், இளைஞா்கள், கல்லூரி மாணவா்களை கூட்டுறவு சங்கங்களில் உறுப்பினராக சோ்த்து கடனுதவிகள் வழங்கப்படும். கூட்டுறவுத் துறையின் கீழ் செயல்படும் மருந்தகங்கள், தனியாா் மருந்தகங்களுக்கு இணையாக தரம் உயா்த்தப்படும்.
தமிழகம் முழுவதும் உள்ள 4,451 தொடக்க வேளாண் கூட்டுறவு கடன் சங்கங்களில் நடைபெற்றுள்ள விதிமீறல்கள் குறித்து ஆய்வுகள் நடைபெற்று வருகின்றன. ஆய்வறிக்கையின் அடிப்படையில் நடவடிக்கை எடுக்கப்படும். கூட்டுறவு மையங்களில் விவசாயிகளுக்குத் தேவையான தரமான விதைகள், வேப்பம் புண்ணாக்குகள் கிடைக்க நடவடிக்கை எடுக்கப்பட்டுள்ளது என்றாா்.
முன்னதாக கோவை ஆா்.எஸ்.புரத்தில் உள்ள சிந்தாமணி கூட்டுறவு பண்டக சாலை, துடியலூரில் உள்ள டியூகாஸ் கூட்டுறவு விவசாய ஸ்தாபனம் ஆகிய இடங்களில் ஆய்வு மேற்கொண்டாா்.
ஆய்வின்போது வனத் துறை அமைச்சா் கா.ராமசந்திரன், கூட்டுறவு சங்கங்களின் பதிவாளா் அ.சண்முகசுந்தரம், கூடுதல் பதிவாளா்கள் பாலமுருகன், இந்துமதி, கோவை மாவட்ட கூட்டுறவு சங்கங்களின் இணைப் பதிவாளா் எஸ்.பாா்த்திபன், மாவட்ட வருவாய் அலுவலா் பி.லீலா அலெக்ஸ் உள்பட அதிகாரிகள் கலந்துகொண்டனா்.