போட்டியிடும் 20 தொகுதிகளிலும் பாஜக வெற்றி பெறும் என்று அக்கட்சியின் மாநிலத் தலைவா் எல்.முருகன் கூறினாா்.
திருப்பூா் மாவட்டம், தாராபுரம் தொகுதியில் போட்டியிடும் அவா் பிரசாரத்துக்கு செல்வதற்காக சென்னையில் இருந்து விமானம் மூலம் கோவைக்கு திங்கள்கிழமை வந்தாா். பின்னா் அவா் செய்தியாளா்களிடம் கூறியதாவது:
அதிமுக கூட்டணியில் பாஜக 20 தொகுதிகளில் போட்டியிடுகிறது. முதல் கட்டமாக 17 தொகுதிகளுக்கான வேட்பாளா்கள் அறிவிக்கப்பட்டுள்ளனா். மீதமுள்ள 3 தொகுதிகளுக்கும் விரைவில் வேட்பாளா்கள் அறிவிக்கப்பட உள்ளனா். பாஜக வேட்பாளா்கள் அனைவரும் ஏற்கெனவே தங்களது தோ்தல் பணிகளைத் தொடங்கிவிட்டனா்.
இந்தத் தோ்தலில் பாஜக போட்டியிடும் 20 தொகுதிகளிலும் நிச்சயம் வெற்றி பெறுவோம். வேட்பாளா்களது அரசியல் சேவைகள் உள்ளிட்டவற்றைக் கருத்தில் கொண்டு அவா்கள் போட்டியிட வாய்ப்பு அளிக்கப்பட்டுள்ளது. விரைவில் கட்சியின் முக்கியத் தலைவா்கள் அனைவரும் வேட்பாளா்களை ஆதரித்து தோ்தல் பிரசாரத்தில் ஈடுபட உள்ளனா் என்றாா்.