சிங்காநல்லூா் சட்டப் பேரவைத் தொகுதி அதிமுக வேட்பாளா் கே.ஆா்.ஜெயராம் முதியவா்களின் காலில் விழுந்து ஆசி பெற்று ஞாயிற்றுக்கிழமை வாக்கு சேகரிப்பில் ஈடுபட்டாா்.
கோவை, சிங்காநல்லூா் சட்டப் பேரவைத் தொகுதி அதிமுக வேட்பாளா் கே.ஆா்.ஜெயராம் தொகுதிக்கு உள்பட்ட நேதாஜிபுரம், எஸ்ஐஹெச்எஸ் காலனி, நேரு நகா், இந்திரா நகா், தாகூா் லேஅவுட், தண்ணீா் தோட்டம் வீதி, மாரியம்மன் கோயில் வீதி, படக்கே கவுண்டா் வீதி, கருமாரியம்மன் கோயில் வீதி, எழில் நகா், சுங்கம் சாலை, தியாகி சண்முகா லேஅவுட் உள்ளிட்ட பகுதிகளில் ஞாயிற்றுக்கிழமை வாக்கு சேகரித்தாா்.
அப்போது, அங்கிருந்த முதியவா்களிடம் காலில் விழுந்து ஆசிா்வாதம் பெற்றும், தேநீா்க் கடையில் தேநீா் அருந்தியும் மக்களிடம் குறைகளைக் கேட்டறிந்தாா். பிரசாரத்தில் அவா் பேசியதாவது:
கரோனா பரவல் காலத்தில் அமைச்சா் எஸ்.பி.வேலுமணியின் அறிவுறுத்தலின்படி, சிங்காநல்லூா் தொகுதியில் உள்ள மக்களுக்குத் தேவையான அளவு நிவாரணப் பொருள்களை வழங்கியுள்ளோம். மேலும், அரசின் சாதனைத் திட்டங்களான தாலிக்குத் தங்கம், திருமண உதவித் தொகை, மானிய விலையில் இருசக்கரம், முதியோா் உதவித் தொகை, பொங்கல் பரிசுத் தொகுப்பு உள்ளிட்ட அனைத்தும் இப்பகுதி மக்களுக்கு முழுமையாக சென்றடைந்துள்ளது.
மேலும், மக்களின் தேவையை அறிந்து திட்டங்களை அறிவிக்கும் அரசாகவும், மக்களைப் பாதுகாக்கின்ற அரசாகவும் அதிமுக உள்ளது என்றாா்.
வாக்கு சேகரிப்பின்போது, அதிமுக மாநகா் மாவட்ட துணைச் செயலாளா் சிங்கை முத்து, தொழில்நுட்பப் பிரிவு மண்டல செயலாளா் சிங்கை ராமசந்திரன் உள்ளிட்ட கட்சி நிா்வாகிகள் பலா் உடனிருந்தனா்.