கோவை: தோ்தல் அறிக்கையில் சொன்னதை எல்லாம் மாநில அரசின் ஒத்துழைப்புடன், மத்திய அரசின் உதவியுடன் நிறைவேற்றுவேன் என்று கோவை தெற்கு சட்டப் பேரவைத் தொகுதி உறுப்பினரும், பாஜக மகளிரணி தேசியத் தலைவருமான வானதி சீனிவாசன் கூறினாா்.
கோவை தெற்குத் தொகுதியில் போட்டியிட்ட பாஜக மகளிரணி தேசியத் தலைவா் வானதி சீனிவாசன் வெற்றி பெற்றாா். இதையடுத்து, காந்திபுரம் வி.கே.கே. மேனன் சாலையில் அமைந்துள்ள கட்சி அலுவலகத்தில் அவருக்கு திங்கள்கிழமை வரவேற்பு அளிக்கப்பட்டது.
பின்னா் செய்தியாளா்களிடம் அவா் கூறியதாவது:
கோவை தெற்கு சட்டப் பேரவைத் தொகுதியில் தனக்காக வாக்களித்த, தோ்தல் பணியாற்றிய பாஜக, அதிமுக கட்சி நிா்வாகிகளுக்கும், குறிப்பாக இந்தப் பகுதியில் தேசிய ஜனநாயகக் கூட்டணி வெற்றிப் பெற பெரிதும் உதவிய முன்னாள் அமைச்சா் எஸ்.பி.வேலுமணி, எம்எல்ஏவாக இருந்த அம்மன் அா்ச்சுணன் ஆகியோருக்கும், தன்னை போலவே வெற்றி பெற்ற அனைத்து எம்எல்ஏக்களுக்கும், முதல்வராக பதவியேற் உள்ள திமுக தலைவா் மு.க.ஸ்டாலினுக்கும் வாழ்த்துகள்.
தோ்தல் அறிக்கையில் சொன்னதைப்போல எல்லா நலத் திட்டங்களையும் மாநில அரசின் ஒத்துழைப்புடனும், மத்திய அரசின் உதவியுடனும் நிறைவேற்றுவேன்.
தற்போதைய சூழலில் மக்களுக்கு உதவிகள் தேவைப்படுகின்றன. மக்களுக்கு உதவி செய்வதை நான் வெற்றிக் கெண்டாட்டமாக பாா்க்கிறேன் என்றாா்.
முன்னதாக உலியம்பாளையம் கிராமத்தில் உள்ள தனது வீட்டுக்குச் சென்று தாய், தந்தையரின் காலில் விழுந்து ஆசிா்வாதம் பெற்றாா்.