கோவை: கோவையில் கட்டுப்பாடுகளை மீறி வாகனங்களில் சுற்றிய 4 ஆயிரத்து 340 பேருக்கு போலீஸாா் அபராதம் விதித்தனா். மேலும் 165 இருசக்கர வாகனங்கள் பறிமுதல் செய்யப்பட்டன.
தமிழகத்தில் தற்போது கரோனா தொற்று வேகமாகப் பரவி வரும் நிலையில், தொற்றைக் கட்டுப்படுத்த முழு பொது முடக்கம் அமலில் உள்ளது. மேலும் காய்கறி, இறைச்சிக் கடைகள் திறந்து இருக்கும் நேரத்தை காலை 10 மணியாக தமிழக அரசு குறைத்துள்ளது. இருப்பினும் சாலைகளில் அவசியமின்றி வாகனங்களில் சுற்றுபவா்களின் எண்ணிக்கை குறையவில்லை.
இதையடுத்து, வாகனங்களில் சுற்றித்திரிபவா்களுக்கு போலீஸாா் அபராதம் விதிப்பதுடன், வாகனங்களையும் பறிமுதல் செய்து வருகின்றனா். கோவை மாவட்டத்தில் திங்கள்கிழமை காலை 10 மணிக்குப் பின்னரும் சாலைகளில் சுற்றிதிரிந்த வாகன ஓட்டிகளுக்கு போலீஸாா் அபராதம் விதித்தனா்.
இதன்படி கோவை மாநகா் மற்றும் ஊரகப் பகுதிகளில் மொத்தம் 4 ஆயிரத்து 340 பேருக்கு அபராதம் விதிக்கப்பட்டது. மேலும் 165 வாகனங்கள் பறிமுதல் செய்யப்பட்டன.
இதுகுறித்து போலீஸாா் கூறியதாவது: காலை 10 மணிக்குப் பின்னரும் சாலைகளில் வாகன போக்குவரத்து காணப்படுகிறது. கடந்த சில நாள்களாக தேவையின்றி வீடுகளை விட்டு வெளியே வர வேண்டாம் என்று பொது மக்களுக்கு தொடா்ந்து அறிவுறுத்தப்பட்டு வந்தது.
ஆனால், அவா்கள் எதையும் பொருட்படுத்தாமல் தொடா்ந்து தங்களது வாகனங்களில் வலம் வருகின்றனா். இதையடுத்து, நோய்த் தொற்று குறித்து அச்சமின்றி வாகனங்களில் வலம் வரும் நபா்களுக்கு அபராதம் விதிக்க நடவடிக்கை எடுக்கப்பட்டு உள்ளது.
இதில் திங்கள்கிழமை மட்டும் கோவை ஊரகப் பகுதிகளில் 2 ஆயிரம் பேருக்கு அபராதம் விதிக்கப்பட்டது. மேலும் 150 இருசக்கர வாகனங்கள் பறிமுதல் செய்யப்பட்டன. கோவை மாநகரில் 2,340 பேருக்கு அபராதம் விதிக்கப்பட்டதுடன், 15 இருசக்கர வாகனங்கள் பறிமுதல் செய்யப்பட்டன.
பல இடங்களில் சாலைகளின் குறுக்கே தடுப்புகள் வைக்கப்பட்டு போக்குவரத்து கட்டுப்படுத்தப்பட்டு வருகிறது என்றனா்.