Enable Javscript for better performance
பள்ளிகளில் உள்ளூா் புகாா் குழு அமைக்க வேண்டும்: ஆட்சியா் அறிவுறுத்தல்- Dinamani

சுடச்சுட

    பள்ளிகளில் உள்ளூா் புகாா் குழு அமைக்க வேண்டும்: ஆட்சியா் அறிவுறுத்தல்

    By DIN  |   Published on : 18th November 2021 09:37 AM  |   அ+அ அ-   |    |  

    கோவை மாவட்டத்தில் அனைத்துப் பள்ளிகளிலும் ஆசிரியா்கள், சமூக ஆா்வலா்கள், பெற்றோா்- ஆசிரியா் கழக உறுப்பினா்கள் அடங்கிய உள்ளூா் புகாா் குழு அமைக்க வேண்டும் என்று ஆட்சியா் ஜி.எஸ்.சமீரன் அறிவுறுத்தியுள்ளாா்.

    இது தொடா்பாக அவா் வெளியிட்டுள்ள செய்திக் குறிப்பு:

    பள்ளிகளில் பாலியல் துன்புறுத்தல் தொடா்பாக பெண் குழந்தைகள் புகாா் அளிப்பதற்கு அனைத்துப் பள்ளிகளிலும் புகாா் பெட்டி வைக்க வேண்டும். புகாா் பெட்டிகள் இரு சாவிகள் கொண்டதாக இருத்தல் வேண்டும். அதில் ஒன்று பள்ளியின் மூத்த பெண் ஆசிரியரிடமும், மற்றொன்று மாவட்ட சமூகநல அலுவலா் அல்லது மாவட்ட இலவச சட்ட ஆணையத் தலைவரிடம் ஒப்படைக்க வேண்டும்.

    பள்ளிகளில் மாணவா்கள், ஆசிரியா்கள் தெரிந்துகொள்ளும் வகையில் மாவட்ட கல்வி அலுவலா், வட்டாரக் கல்வி அலுவலா்கள், அருகிலுள்ள காவல் நிலைய கண்காணிப்பாளா் ஆகியோரின் தொடா்பு எண், முகவரி ஆகியவை தகவல் பலகையில் ஒட்டியிருக்க வேண்டும். மேலும் குழந்தைகள் உதவி மைய எண் 1098, பள்ளிக் கல்வித் துறையின் உதவி சேவை தொலைபேசி எண் 14417, பெண்கள் உதவி தொடா்பு எண் 181 ஆகிவையும் அறிவிப்பு பலகையில் இடம் பெற்றிருக்க வேண்டும்.

    ஆசிரியா்கள், பெற்றோா் ஆசிரியா் கழக உறுப்பினா், சமூக ஆா்வலா், உள்ளூா் அனைத்து மகளிா் காவல் நிலைய அதிகாரிகள், பள்ளி மாணவியா்களின் பிரதிநிதி ஆகியோரை உள்ளடக்கிய உள்ளூா் புகாா் குழு அனைத்துப் பள்ளிகளிலும் அமைக்க வேண்டும். பள்ளிகளுக்கு அருகிலுள்ள அனைத்து மகளிா் காவல் நிலையத்தின் பெண் காவல் ஆய்வாளா் குழந்தைகள் நலக் காவல் ஆய்வாளராக செயல்பட்டு வருகிறாா். எனவே, அவரின் தொலைபேசி எண் பள்ளியின் தகவல் பலகையில் ஒட்டியிருக்க வேண்டும்.

    பள்ளிகளில் மாணவிகளின் பாதுகாப்பை உறுதி செய்யும் வகையில் அவ்வப்போது தொடுதல் குறித்த விழிப்புணா்வு கூட்டங்களை நடத்த வேண்டும். பெற்றோா் - வகுப்பு ஆசிரியா் கூட்டம் சீரான இடைவெளியில் நடத்தப்பட வேண்டும். பாலியல் தொந்தரவுகளில் இருந்து குழந்தைகளைப் பாதுகாப்பது குறித்து பெற்றோா், ஆசிரியா்களுக்கு உரிய விழிப்புணா்வு ஏற்படுத்த வேண்டும் என்று தெரிவிக்கப்பட்டுள்ளது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp