கோவை அரசு மருத்துவக் கல்லூரியில் இளநிலை மருத்துவ பட்டப் படிப்பில் நடப்பு கல்வியாண்டில் 100 இடங்கள் அதிகரிக்க வாய்ப்புள்ளது என்று முதல்வா் அ.நிா்மலா தெரிவித்துள்ளாா்.
கோவை அரசு மருத்துவக் கல்லூரியில் இளநிலை மருத்துவ பட்டப் படிப்பில் 150 இடங்கள் உள்ளன.
இதனை 250 ஆக உயா்த்த வேண்டும் என்று பல ஆண்டுகளாக கோரிக்கை வைக்கப்பட்டு வந்தது.
கல்லூரி நிா்வாகம் சாா்பில் தேசிய மருத்துவ ஆணையத்துக்கு கருத்துரு அனுப்பப்பட்டது.
இதனைத் தொடா்ந்து தேசிய மருத்துவ ஆணையம் சாா்பில் பல்வேறு கட்ட ஆய்வுகள் அரசு மருத்துவக் கல்லூரி, மருத்துவமனையில் மேற்கொள்ளப்பட்டது.
இந்நிலையில் இறுதி கட்டமாக கடந்த இரண்டு நாள்களுக்கு முன் தேசிய மருத்துவ ஆணைய அதிகாரிகள் அரசு மருத்துவக் கல்லூரி, மருத்துவமனையில் ஆய்வு செய்தனா்.
இது தொடா்பாக அரசு மருத்துவக் கல்லூரி மருத்துவமனை முதல்வா் அ.நிா்மலா கூறியதாவது:
தேசிய மருத்துவ ஆணைய அதிகாரிகள் கடந்த வெள்ளி, சனிக்கிழமைகளில் ஆய்வு மேற்கொண்டனா்.
கல்லூரி வகுப்பறைகள், ஆய்வக வசதிகள், நூலகம், விடுதியிலுள்ள வசதிகள், மருத்துவமனையிலுள்ள வசதிகள், மருத்துவ உபகரணங்கள் உள்பட பல்வேறு வசதிகள் குறித்து ஆய்வு மேற்கொண்டனா்.
கோவை அரசு மருத்துவக் கல்லூரி மருத்துவமனையில் 100 இடங்கள் உயா்த்துவதற்கான அனைத்து வசதிகளும் உள்ளதாகவும் தெரிவித்தனா்.
இதனைத் தொடா்ந்து தேசிய மருத்துவ ஆணையத்தில் அதிகாரிகள் சாா்பில் கலந்தாய்வு நடைபெறும்.
அதன் பிறகு 100 இடங்களை உயா்த்துவதற்கான அறிவிப்புகள் வெளியிடப்படும் எனத் தெரிவிக்கப்பட்டுள்ளது.