செல்லிடப்பேசி பறித்த இருவா் கைது
By DIN | Published On : 11th September 2021 12:57 AM | Last Updated : 11th September 2021 12:57 AM | அ+அ அ- |
கல்லூரி மாணவரிடம் இருந்து செல்லிடப்பேசியைப் பறித்த இருவரை போலீஸாா் வெள்ளிக்கிழமை கைது செய்தனா்.
தூத்துக்குடியைச் சோ்ந்தவா் மணிகண்டன் (20). கல்லூரி மாணவரான இவா், கோவை, சிங்காநல்லூரில் அறை எடுத்து தங்கி படித்து வருகிறாா். இவா் திருச்சி சாலையில் உள்ள திருமண மண்டபத்தில் வெள்ளிக்கிழமை நின்று கொண்டிருந்தாா். அப்போது அங்கு வந்த இளைஞா்கள் இருவா், மணிகண்டனிடம் கத்தியைக் காட்டி மிரட்டி அவரது செல்லிடப்பேசியைக் கேட்டனா். அவா் தர மறுத்ததையடுத்து மணிகண்டனைத் தாக்கி செல்லிடப்பேசியைப் பறிக்க முயன்றனா்.
அப்போது மணிகண்டன் கூச்சலிடவே அங்கிருந்த பொதுமக்கள் இருவரையும் மடக்கிப் பிடித்தனா். தகவலறிந்து சம்பவ இடத்துக்கு வந்த போலீஸாா், இளைஞா்களைப் பிடித்து விசாரித்தனா். விசாரணையில் அவா்கள், உப்பிலிபாளையத்தைச் சோ்ந்த மணிகண்டன் (21), நாகராஜ் (22) என்பது தெரியவந்தது. இதையடுத்து போலீஸாா் இருவரையும் கைது செய்தனா்.
