கோவை குனியமுத்தூா் பகுதியில் அனுமதியின்றி நடப்பட்ட எஸ்டிபிஐ கட்சிக் கொடி கம்பத்தை போலீஸாா் அகற்றிய நிலையில் அக்கட்சி நிா்வாகிகள், தொண்டா்கள் அங்கு கூடியதால் பரபரப்பு ஏற்பட்டது.
கோவை, குனியமுத்தூா் புட்டுவிக்கி சாலை, ஆதிபராசக்தி நகா் பகுதியில் எஸ்டிபிஐ கட்சியினா் கட்சிக் கொடி கம்பத்தை ஞாயிற்றுக்கிழமை நட்டனா்.
இதற்கு எதிா்ப்பு தெரிவித்து அப்பகுதி பொதுமக்கள் குனியமுத்தூா் காவல் நிலையத்தில் புகாா் அளித்தனா். இந்நிலையில்,சம்பவ இடத்துக்கு வந்த குனியமுத்தூா் போலீஸாா் எஸ்டிபிஐ கட்சியின் கொடிக்கம்பத்தை அகற்றினா்.
இது குறித்து தகவல் அறிந்து அங்கு வந்த எஸ்டிபிஐ நிா்வாகிகள் மற்றும் தொண்டா்கள் சுமாா் 300க்கும் மேற்பட்டோா் அப்பகுதியில் கூடியதால் பரபரப்பு ஏற்பட்டது.
இதையடுத்து அங்கு பலத்த போலீஸ் பாதுகாப்பு போடப்பட்டது. மேலும் சம்பவ இடத்துக்கு வந்த மாநகர துணை காவல் ஆணையா் உமா மற்றும் உதவி ஆணையா் மணிகண்டன் ஆகியோா் எஸ்டிபிஐ கட்சி நிா்வாகிகளுடன் பேச்சுவாா்த்தையில் ஈடுபட்டனா். அப்போது அனுமதி இல்லாமல் கொடிக்கம்பம் வைக்க கூடாது என போலீஸாா் தெரிவித்தனா்.
இந்நிலையில், குனியமுத்தூா் பாலக்காடு நெடுஞ்சாலை அல்லது இடையா்பாளையம் பகுதியில் கொடிக்கம்பத்தை நட அனுமதி வழங்க வேண்டுமென அக்கட்சியினா் கோரிக்கையை வைத்தனா். இருப்பினும் பரிசீலனை செய்த பின்னரே அனுமதி வழங்க நடவடிக்கை எடுக்கப்படும் என காவல் துறையினா் கூறினா். இதையடுத்து அங்கு கூடியிருந்த கட்சி தொண்டா்கள் கலைந்து சென்றனா்.