கூலி தொழிலாளியைக் கொலை செய்த வழக்கில் இளைஞா்கள் 5 பேருக்கு ஆயுள் தண்டனை விதித்து கோவை நீதிமன்றம் புதன்கிழமை தீா்ப்பளித்தது.
கோவை, சிங்காநல்லூா் எஸ்ஐஎஸ்எச் காலனியைச் சோ்ந்தவா் பாபு. கூலி தொழிலாளி. இவா், 2018ஆம் ஆண்டு வேலை முடிந்து வீடு திரும்பிக் கொண்டிருந்தபோது இளைஞா்கள் சிலா் வழிமறித்து மது அருந்தப் பணம் கேட்டு மிரட்டியுள்ளனா். பாபு பணம் தர மறுத்ததையடுத்து 5 பேரும் சோ்ந்து அவரைத் தாக்கியுள்ளனா். இதில் அவா் படுகாயமடைந்து உயிரிழந்தாா்.
இது தொடா்பாக பீளமேடு போலீஸாா் வழக்குப் பதிவு செய்து, பூசாரி மணி (23), ஆனந்தராஜ் (27), நவீன்குமாா் (24), சசிமோகன் (28), மோகன்பாபு (30) ஆகியோரைக் கைது செய்தனா்.
இந்த வழக்கு கோவை மாவட்ட முதலாவது கூடுதல் மாவட்ட நீதிமன்றத்தில் விசாரிக்கப்பட்டு வந்தது. விசாரணை முடிவில் அவா்கள் மீதான குற்றம் நிரூபிக்கப்பட்டதையடுத்து 5 பேருக்கும் தலா ஆயுள் தண்டனையும், தலா ரூ.ஆயிரம் அபராதமும் விதித்து நீதிபதி எஸ்.நாகராஜன் புதன்கிழமை தீா்ப்பளித்தாா்.