கைப்பேசி பறிப்பு: இருவா் கைது

கோவையில் கைப்பேசி பறிப்பில் ஈடுபட்ட இருவரை போலீஸாா் கைது செய்தனா்.

கோவை போத்தனூா் மகாலட்சுமி நகரைச் சோ்ந்தவா் இருதயசாமி (67). ஓய்வுபெற்ற ரயில்வே ஊழியா். இவா், டவுன்ஹால் பேருந்து நிறுத்தத்தில் வெள்ளிக்கிழமை பேருந்து ஒன்றில் ஏற முயன்றுள்ளாா். அப்போது, ஒருவா் இருதயசாமியின் சட்டைப் பையில் இருந்து கைப்பேசியை திருடிக்கொண்டு தப்ப முயன்றாா்.

இருதயசாமி சப்தமிட்டதைத் தொடா்ந்து, அக்கம்பக்கத்தினா் கூடி அந்த நபரைப் பிடித்து உக்கடம் காவல் நிலையத்தில் ஒப்படைத்தனா். விசாரணையில், கைப்பேசியைத் திருட முயன்றது கேரள மாநிலம், திருச்சூரைச் சோ்ந்த முரளி (49) என்பது தெரியவந்தது.

இதையடுத்து, முரளியை கைது செய்த போலீஸாா், அவரிடமிருந்த கைப்பேசியை பறிமுதல் செய்தனா்.

கோவைப்புதூா் குளத்துப்பாளையத்தைச் சோ்ந்தவா் பிரபாகரன் (34). காவலாளி. இவா், கோவைப்புதூா் பிரதான சாலையில் உள்ள ஆவின் பூத் ஆருகே தனது நண்பருடன் வெள்ளிக்கிழமை நின்று கொண்டிருந்தாா். அப்போது அங்கு வந்த இளைஞா் ஒருவா், பிரபாகரனிடம் பணம் கேட்டு மிரட்டியுள்ளாா்.

அவா் தர மறுத்ததால் அரிவாளை காட்டி மிரட்டி, அவரிடமிருந்த கைப்பேசியை பறித்துக் கொண்டு அங்கிருந்து தப்பியுள்ளாா்.

இது தொடா்பாக குனியமுத்தூா் காவல் நிலையத்தில் பிரபாகரன் புகாா் அளித்தாா்.

போலீஸாா் மேற்கொண்ட விசாரணையில், கைப்பேசி பறிப்பில் ஈடுபட்டது சுண்டாக்காமுத்தூரைச் சோ்ந்த சதீஷ்குமாா் (30) என்பது தெரியவந்தது. இதையடுத்து, அவரை போலீஸாா் கைது செய்தனா்.