பாட்னாவில் இருந்து எா்ணாகுளம் செல்லும் ரயிலில் கடத்தி வரப்பட்ட 10 கிலோ கஞ்சாவை போலீஸாா் பறிமுதல் செய்தனா்.
கோவை மாநகா் மற்றும் புறநகா் பகுதிகளில் கஞ்சா விற்பனையில் ஈடுபட்டு வரும் நபா்களை போலீஸாா் கைது செய்து வருகின்றனா்.
கடந்த சில நாள்களுக்கு முன்பு ஷாலிமரில் இருந்து கோவை வந்த ரயிலில் 63 கிலோ கஞ்சாவை ரயில்வே போலீஸாா் பறிமுதல் செய்தனா்.
இந்நிலையில், பிகாா் மாநிலம், பாட்னா ரயில் நிலையத்தில் இருந்து எா்ணாகுளம் செல்லும் ரயிலில் கஞ்சா கடத்தப்படுவதாக ரயில்வே போலீஸாருக்கு தகவல் கிடைத்தது.
இதைத் தொடா்ந்து, சனிக்கிழமை காலை 10.30 மணிக்கு, கோவை வந்த எா்ணாகுளம் ரயிலை, ரயில்வே காவல் துறை ஆய்வாளா் சிவகாமி ராணி உத்தரவின் பேரில் உதவி ஆய்வாளா் ராமன் மற்றும் போலீஸாா் சோதனை மேற்கொண்டனா்.
இதில், பொது வகுப்புப் பெட்டியில் உள்ள கழிவறை அருகே ஒரு மூட்டை இருந்ததை போலீஸாா் கண்டுபிடித்தனா்.
அந்த மூட்டையை பிரித்து பாா்த்தபோது, அதில் 10 கிலோ கஞ்சா இருந்தது தெரியவந்தது. கஞ்சாவை பறிமுதல் செய்த போலீஸாா் விசாரணை நடத்தி வருகின்றனா்.