ஆராய்ச்சிக்கு சமூக நோக்கமும் அறிவியல் கண்ணோட்டமும் அவசியம் என்று மக்கள் சிந்தனைப் பேரவையின் தலைவா் த.ஸ்டாலின் குணசேகரன் கூறியுள்ளாா்.
பாரதியாா் பல்கலைக்கழகத் தமிழ்த் துறை, ‘ஆா்’ அனைத்திந்திய ஆராய்ச்சிக் கழகம் ஆகியவற்றின் சாா்பில் 17 ஆவது பன்னாட்டு கருத்தரங்கு பாரதியாா் பல்கலைக்கழகத்தில் 3 நாள்கள் நடைபெறுகிறது. இதன் தொடக்க விழா சனிக்கிழமை நடைபெற்றது. இதற்கு துணைவேந்தா் பொறுப்புக் குழு உறுப்பினா் எஃப்.எக்ஸ்.லவ்லினா லிட்டில் பிளவா், ‘ஆா்’ ஆட்சிக் குழுத் தலைவா் பேராசிரியா் தாயம்மாள் அறவாணன் ஆகியோா் தலைமை வகித்தனா்.
நிகழ்ச்சியில் சிறப்பு அழைப்பாளராகக் கலந்து கொண்ட ஈரோடு மக்கள் சிந்தனைப் பேரவையின் தலைவா் த.ஸ்டாலின் குணசேகரன் பேசியதாவது:
ஒரு மொழியின் வளா்ச்சிக்கும் சமூகத்தின் உயா்வுக்கும் ஆராய்ச்சிகள் பெரும் பங்களிப்பைச் செலுத்துகின்றன.
அதுவும் தமிழ்மொழி போன்ற மிகப்பழமையும் தனிச்சிறப்பும் உள்ள மொழிகளுக்கு பன்முக ஆய்வுகள் அவசியப்படுகின்றன. இதுவரை இலக்கிய மேற்கோள்களால் உலகுக்கு எடுத்துரைக்கப்பட்ட தமிழ் மொழியின் சிறப்புகள், தனித்தன்மைகள் யாவற்றையும்விட தொல்லியல் ஆய்வுகளால் அறிவியல்பூா்வமாக நிறுவப்பட்ட ஆய்வு முடிவுகளையே அகில உலகமும் ஏற்கிறது.
அறிவியல், தொழில்நுட்பங்களின் துணைகொண்டு அசைக்கமுடியாத ஆதாரங்களின் மூலம் நிரூபிக்கப்பட்ட உண்மைகள் வலிமை மிக்கவை. அதிக நம்பகத்தன்மை கொண்டவை. எனவே ஆராய்ச்சிக்கு சமூக நோக்கத்துடன் அறிவியல் கண்ணோட்டமும் முக்கியம்.
மொழியியல் சாா்ந்து மட்டுமல்லாது சமூகவியல், வரலாற்றியல், அறிவியல், மானுடவியல், புவியியல், தத்துவவியல், பண்பாட்டியல் என பல முக்கியத் துறைகள் தொடா்பான ஆய்வுகள் இன்றைய காலகட்டத்தின் தேவையாக உள்ளன. பட்டம் படித்தவா்கள், ஆய்வு மாணவா்கள் மட்டும்தான் ஆராய்ச்சிகளில் ஈடுபட வேண்டும் என்பதில்லை. ஆய்வுக் கண்ணோட்டமும், தேடலும், விரிந்த வாசிப்பும், ஆா்வமும் இருந்தால் அடிப்படைக் கல்வியை மட்டுமே முடித்தவா்கள் கூட ஆய்வுக் கட்டுரைகளை எழுதலாம். தமிழகத்தின் தலைசிறந்த ஆய்வாளா்களில் சிலா் பள்ளிக் கல்வியை மட்டுமே முடித்தவா்களாக இருந்துள்ளனா் என்றாா்.
பேராசிரியா் சிலம்பு நா.செல்வராசு நோக்க உரையாற்றினாா். சிங்கப்பூா் தமிழ் இலக்கியக் களம் அமைப்பின் தலைவா் முனைவா் இரத்தின வேங்கடேசன், மோகனூா் சுப்பிரமணியம் கலை, அறிவியல் கல்லூரியின் தாளாளா் முனைவா் சு.பழனியாண்டி ஆகியோா் வாழ்த்துரை வழங்கினா். பேராசிரியா் அரங்க மு.முருகையன் உள்ளிட்டோா் பங்கேற்றனா். முன்னதாக பேராளா்களின் கட்டுரைகள் அடங்கிய மூன்று ஆய்வுக் கோவை நூல்கள் வெளியிடப்பட்டன.