கோவையில் 32 கிலோ கஞ்சா வைத்திருந்த இருவரை போலீஸாா் வெள்ளிக்கிழமை கைது செய்தனா்.
கோவை ரயில் நிலையம் பின்புறம் உள்ள சாலையில் கஞ்சா விற்பனை நடைபெறுவதாக போலீஸாருக்கு தகவல் கிடைத்தது. இதன்பேரில் சம்பவ இடத்துக்கு சென்ற போலீஸாா் அங்கு சந்தேகத்துக்குரிய வகையில் சுற்றித் திரிந்த நபரை பிடித்து விசாரித்தனா். அப்போது அவா் முன்னுக்குப் பின் முரணாக பதிலளித்தாா்.
இதனால் சந்தேகமடைந்த போலீஸாா் அவா் வைத்திருந்த பையை சோதனையிட்டபோது அதில் 32 கிலோ கஞ்சா இருப்பது தெரியவந்தது. விசாரணையில் அவா் திண்டுக்கல் மாவட்டத்தைச் சோ்ந்த முத்தாலப்பன் (37) என்பது தெரியவந்தது. இதையடுத்து அவரது கைப்பேசியை பறிமுதல் செய்த போலீஸாா் அதில் பலமுறை தொடா்பு கொண்ட எண்ணுக்கு அழைத்துப் பேசினா். அப்போது மறுமுனையில் பேசிய நபரிடம் கஞ்சா விற்ற பணத்தைப் பெற வெரைட்டி ஹால் பகுதிக்கு வருமாறு போலீஸாா் கூறினா்.
இதை நம்பி அங்கு வந்த நபரை போலீஸாா் மடக்கிப் பிடித்தனா். விசாரணையில் அவா் செல்வபுரத்தைச் சோ்ந்த ராஜா (41) என்பது தெரியவந்தது. இருவரும் சோ்ந்து செல்வபுரத்தில் குடோன் ஒன்றை வாடகைக்கு எடுத்து கஞ்சா பதுக்கி விற்று வந்தது தெரியவந்தது. இதையடுத்து வெரைட்டி ஹால் போலீஸாா் இருவரையும் கைது செய்து நீதிமன்றத்தில் ஆஜா்படுத்தி சிறையில் அடைத்தனா்.