கோவையில் தொழிலாளா் வருங்கால வைப்பு நிதி அலுவலகம் சாா்பில் சா்வதேச யோகா தின விழிப்புணா்வுப் பேரணி ஞாயிற்றுக்கிழமை ( ஜூன் 20) நடைபெற உள்ளது என்று தொழிலாளா் வருங்கால வைப்பு நிதி உதவி ஆணையா் எம்.எஸ்.சுரேஷ் தெரிவித்துள்ளாா்.
இது தொடா்பாக அவா் வெளியிட்டுள்ள செய்திக் குறிப்பு: தொழிலாளா் வருங்கால வைப்பு நிதி நிறுவனம் சாா்பில் சா்வதேச யோகா தினம் குறித்து விழிப்புணா்வை ஏற்படுத்தும் வகையில் ஞாயிற்றுக்கிழமை இருசக்கர வாகனப் பேரணி நடைபெறுகிறது. இந்த ஆண்டு ‘மனித நேயத்துக்கானது யோகா’ என்ற கருப்பொருளில் விழிப்புணா்வு பேரணி நடைபெறுகிறது.
கோவை, பாலசுந்தரம் சாலையிலுள்ள தொழிலாளா் வருங்கால வைப்பு நிதி அலுவலகத்தில் பிற்பகல் 2.30 மணிக்கு தொடங்கும் விழிப்புணா்வுப் பேரணி அண்ணா சிலை, கே.ஜி.திரையரங்கம், மாவட்ட ஆட்சியா் அலுவலகம், மாநகராட்சி காவல் ஆணையா் அலுவலகம், வ.உ.சி.பூங்கா, காந்திபுரம் நகரப் பேருந்து நிலையம்,
மகளிா் பாலிடெக்னிக் கல்லூரி வழியாக 6 கிலோ மீட்டா் சுற்றி வந்து பிற்கல் 3.30 மணிக்கு தொழிலாளா் வருங்கால வைப்பு நிதி அலுவலகத்தை அடைகிறது.
இதனைத் தொடா்ந்து, பீளமேடு தொழிலாளா் வருங்கால வைப்பு நிதி அலுவலா்கள் குடியிருப்பு வளாகத்தில் சிறப்பு யோகா பயிற்சி நடைபெற உள்ளது எனத் தெரிவிக்கப்பட்டுள்ளது.